«Zabraŭ KDB, jana tak i zastałasia na miažy». U punkty propusku, što adkrylisia, viarnulisia siłaviki i adnavili dopyty
Unočy 17 listapada na miažy Biełarusi z Polščaj adkrylisia pamiežnyja pierachody «Bierastavica — Babroŭniki» i «Bruzhi — Kuźnica». U punkty propusku, što adkrylisia, viarnulisia i siłaviki. Žurnalisty BGmedia pahladzieli, što pišuć karystalniki prymiežnych čataŭ.
U aŭtorak, 18 listapada, karystalnik telehram-čata raskazaŭ pra toje, jak prachodziŭ miažu Polščy ź Biełaruśsiu praz punkt propusku «Bruzhi».
«Na miažy Biełarusi stažory niejkija. Paŭhadziny praviarali moj pašpart (Ispanija). Hadzinu praviarali pašpart pasažyrki (Biełaruś). Ciapier jaje vyklikali na dopyt. My biełarusaŭ 2 hadziny prachodzim i jašče nie aformili časovy ŭvoz. Usio vielmi marudna.
Karaciej, usio ŭ nas žachliva. Pašpart pasažyrki hladzieli hadzinu, cełuju hadzinu. Jaje zabraŭ KDB, jana tak i zastałasia na miažy. Mianie adpravili na renthien i potym adpuścili, a 05.00. Vynik: ja miažu prajazdžaŭ 11 hadzin, a pasažyrka ŭvohule jašče nie prajšła».
Ciapier čytajuć
«Šmatpartyjnaść, pluralizm mierkavańniaŭ — heta brachnia, zachodniaja brachnia». Łukašenka razhladaje kanstytucyjnaje viartańnie da savieckaj sistemy80
«Šmatpartyjnaść, pluralizm mierkavańniaŭ — heta brachnia, zachodniaja brachnia». Łukašenka razhladaje kanstytucyjnaje viartańnie da savieckaj sistemy
«Dziaŭčyna niedzie praź siem siekund užo pikiravała bieź piłota». Siabar deltapłanierysta, jaki raźbiŭsia ŭ Stročycach, raskazaŭ, što pryviało da trahiedyi44
Kamientary