«Забраў КДБ, яна так і засталася на мяжы». У пункты пропуску, што адкрыліся, вярнуліся сілавікі і аднавілі допыты
Уночы 17 лістапада на мяжы Беларусі з Польшчай адкрыліся памежныя пераходы «Бераставіца — Баброўнікі» і «Брузгі — Кузніца». У пункты пропуску, што адкрыліся, вярнуліся і сілавікі. Журналісты BGmedia паглядзелі, што пішуць карыстальнікі прымежных чатаў.
У аўторак, 18 лістапада, карыстальнік тэлеграм-чата расказаў пра тое, як праходзіў мяжу Польшчы з Беларуссю праз пункт пропуску «Брузгі».
«На мяжы Беларусі стажоры нейкія. Паўгадзіны правяралі мой пашпарт (Іспанія). Гадзіну правяралі пашпарт пасажыркі (Беларусь). Цяпер яе выклікалі на допыт. Мы беларусаў 2 гадзіны праходзім і яшчэ не аформілі часовы ўвоз. Усё вельмі марудна.
Карацей, усё ў нас жахліва. Пашпарт пасажыркі глядзелі гадзіну, цэлую гадзіну. Яе забраў КДБ, яна так і засталася на мяжы. Мяне адправілі на рэнтген і потым адпусцілі, а 05.00. Вынік: я мяжу праязджаў 11 гадзін, а пасажырка ўвогуле яшчэ не прайшла».
Каментары