Śpiavačka Łarysa Dolina raskazała, što navat pazyčała hrošy, kab addać ich machlaram. Usiaho ź jaje vyciahnuli kala 4 miljonaŭ dalaraŭ
Viadomaja rasijskaja śpiavačka Łarysa Dolina 19 listapada raskazała ŭ sudzie padrabiaznaści taho, jak stała achviaraj bujnoj machlarskaj schiemy. U sud jana prybyła ŭ supravadžeńni bajcoŭ śpiecnaza, bo raniej atrymlivała pahrozy, piša «Kommiersant».
Śpiavačka paviedamiła, što machlary, vydajučy siabie za supracoŭnikaŭ FSB i Raśfinmanitorynhu, pierakanali jaje, što na jaje hrošy i nieruchomaść palujuć «złačyncy». Jany ŭviali jaje ŭ zman, prymusiŭšy pieravieści ŭsie aščadžeńni na «biaśpiečnyja rachunki», pazyčyć dadatkovyja sumy i navat pradać svaju kvateru. Dolina była ŭpeŭnienaja, što heta častka «śpiecapieracyi» pad kantrolem śpiecsłužbaŭ, i nie havaryła pra heta navat blizkim — machlary zabaranili.
Hrošy ad prodažu kvatery jana pieradała złamyśnikam — častku najaŭnymi, častku praz bankaŭskija pieravody. Značnyja sumy jana pieradavała Anžele Cyrulnikavaj — adnoj z abvinavačanych — asabista i praz pamočnika, vykarystoŭvajučy zahadzia damoŭlenyja «paroli».
Śledstva ŭstanaviła, što machlarskaja hrupa zahadzia padrychtavałasia: znajšła ludziej dla afarmleńnia kartak, abnaličvańnia srodkaŭ i stvareńnia kryptakašalkoŭ, kudy i išli hrošy.
U vyniku Dolina straciła 175 miljonaŭ rubloŭ (kala 2,16 miljona dalaraŭ) i kvateru koštam 138 miljonaŭ rubloŭ (kala 1,7 miljona dalaraŭ), jakuju joj paźniej viarnuli praz sud.
Paśla słuchańniaŭ śpiavačka nie stała razmaŭlać z žurnalistami i pakinuła budynak praz słužbovy ŭvachod.
Łarysa Dolina, jak i bolšaść inšych rasijskich estradnych zorak, źjaŭlajecca aktyŭnaj prychilnicaj rasijskaj ułady i nieadnarazova słovam i spravaj vystupała ŭ padtrymku raźviazanaj Rasijaj vajny va Ukrainie.
Ciapier čytajuć
Administratarka «Štaba Anošak» vałodaje biełaruskaj kampanijaj, datyčnaj da pastavak sankcyjnych paŭpravadnikoŭ u vajujučuju Rasiju11
Administratarka «Štaba Anošak» vałodaje biełaruskaj kampanijaj, datyčnaj da pastavak sankcyjnych paŭpravadnikoŭ u vajujučuju Rasiju
Rasijski repier Jahor Kryd źniaŭsia ŭ majcy z vyjavaj hieroja filma «Idzi i hladzi», jakomu damalavali pirsinh i tatuiroŭki. Cišotku vypuścili krama biełaruski66
Rasijski repier Jahor Kryd źniaŭsia ŭ majcy z vyjavaj hieroja filma «Idzi i hladzi», jakomu damalavali pirsinh i tatuiroŭki. Cišotku vypuścili krama biełaruski6
«Zaprasiŭ mianie na spatkańnie i pryjechaŭ na jaho z pakietam pamidoraŭ zamiest kvietak». Što ŭspaminajuć pra Jana Pamiedora Reuckaha, admina šmattysiačnaj supołki biełarusaŭ Polščy77
Kamientary