Vykradzienamu kalinoŭcu Vasilu Vieramiejčyku prysudzili 13 hadoŭ źniavoleńnia
Pra prysud Vasilu Vieramiejčyku daviedaŭsia telekanał «Biełsat» ad žonki Vasila Jaŭhienii.
Vasila Vieramiejčyka zatrymali ŭ Vjetnamie 13 listapada 2024 hoda, a vydali Biełarusi 14-ha.
34‑hadovy Vieramiejčyk skončyŭ Vajskovuju akademiju Biełarusi i słužyŭ u Piečach. Sa słužby jon zvolniŭsia ŭ 2016 hodzie, paśla čaho pracavaŭ u IT.
U 2020 hodzie jon padtrymaŭ ruch za svabodnyja vybary, udzielničaŭ u mitynhach i maršach. U listapadzie 2020 hoda jaho zatrymali pa padazreńni ŭ padpałach aŭtamabilaŭ supracoŭnikaŭ prakuratury — jakaja ŭžo tady stała adnym z hałoŭnych arhanizataraŭ masavych represij. Ale paśla 10 sutak aryštu jon vyjšaŭ na volu: dokazaŭ nie znajšli.
Napačatku 2021 hoda praz pahrozu paŭtornaha aryštu emihravaŭ va Ukrainu i žyŭ ź siamjoj u Lvovie.
Paśla napadu Rasii na Ukrainie jon adrazu, u lutym 2022 hoda, dałučyŭsia da biełaruskaha bataljona imia Kastusia Kalinoŭskaha. Słužyŭ u im namieśnikam kamandzira bataljona «Vołat» i byŭ uznaharodžany miedalom «Ukraina pierš za ŭsio».
Viadomy pad pazyŭnym «Pacuk», jon udzielničaŭ u bajach u Chiersonskaj, Mikałajeŭskaj i Łuhanskaj abłaściach.
Paśla zvalnieńnia z vojska sprabavaŭ uładkavacca ŭ Litvie, ale nie zmoh tam lehalizavacca, bo miascovyja ŭłady za kolišniuju prynaležnaść da siłavych struktur u Biełarusi paličyli jaho pahrozaj dla nacyjanalnaj biaśpieki. Paśla taho jon vyjechaŭ spačatku ŭ Hruziju, a paśla ŭ Vjetnam, dzie i trapiŭ u ruki łukašenkaŭskich siłavikoŭ.
Były aficer, vyžyŭ u strašnym bai. Chto toj kalinoviec Vieramiejčyk, jakoha Vjetnam addaŭ biełaruskamu KDB?
«Zabarony na ŭjezd va Ukrainu ad HUR nie isnuje». Połk Kalinoŭskaha prakamientavaŭ aryšt Vasila Vieramiejčyka
«Niahledziačy na sposab lehalizacyi, treba paznačać i pratesnuju dziejnaść». Jurkonis pra situacyju ź Vieramiejčykam
«Kali b jon pajšoŭ pa inšym šlachu, było b pa-inšamu». Kamandzir Pałka Kalinoŭskaha prakamientavaŭ situacyju ź Vieramiejčykam
Stali viadomyja padrabiaznaści taho, jak u Vjetnamie zatrymali Vieramiejčyka
Ziankovič pra Vieramiejčyka: Užyvali fizičny hvałt, kab prymusić jaho skazać na BT toje, što chočuć pačuć
Kamientary