Stali viadomyja padrabiaznaści taho, jak u Vjetnamie zatrymali Vieramiejčyka
«Načalnik śledčaha ŭpraŭleńnia pałkoŭnik [Kanstancin] Byčak z hrupaj aficeraŭ pajechali na tydzień u Vjetnam, vypisali sabie kamandziroŭku».
Były palitźniavoleny Juraś Ziankovič pravioŭ čatyry miesiacy ŭ adnoj kamiery z byłym dobraachvotnikam pałka Kalinoŭskaha Vasilom Vieramiejčykam. U novym vypusku TOKu Ziankovič padzialiŭsia padrabiaznaściami zatrymańnia byłoha dobraachvotnika ŭ Vjetnamie.
Juraś Ziankovič, hramadzianin Biełarusi i ZŠA, siadzieŭ za kratami ź viasny 2021 hoda, kali byŭ aryštavany ŭ Maskvie za ŭdzieł u virtualnaj sprobie «dziaržaŭnaha pieravarotu». Jon padpisaŭ pahadnieńnie sa śledstvam, ale ŭ vyniku atrymaŭ 11 hadoŭ źniavoleńnia. Spačatku mužčynu adpravili ŭ babrujskuju kałoniju, z časam pieraviali na turemnyja ŭmovy ŭ Mahiloŭ.
Pierad svaim vyzvaleńniem Ziankovič čatyry miesiacy pravioŭ u SIZA KDB u adnoj kamiery z eks-kalinoŭcam Vasilom Vieramiejčykam.
Ziankovič charaktaryzuje Vieramiejčyka jak śmiełaha i nieardynarnaha čałavieka. Jon padkreślivaje, što Vieramiejčyk — kadravy vajskoviec, jaki skončyŭ Biełaruskuju vajskovuju akademiju i słužyŭ u armii, pierš čym zvolnicca.
«Jak tolki pačałasia vajna va Ukrainie, jon pajšoŭ vajavać, i na toj čas heta byŭ sapraŭdy kaštoŭny kadr dla taho ž Pałka Kalinoŭskaha, bo kadravych vajskoŭcaŭ z aficerskaj adukacyjaj nie tak šmat», — adznačaje Ziankovič.
Pavodle jaho słoŭ, paśla ŭnutranych kanfliktaŭ u pałku Vieramiejčyk byŭ vymušany syści. Jaho dalejšy los skłaŭsia dramatyčna: Litva, dzie pierabyvała jaho siamja, admoviła jamu ŭ vizie. U vyniku, jak raspaviadaje były palitviazień, Vieramiejčyk «badziaŭsia pa śviecie, šukaŭ, dzie jon moža bolš-mienš biaśpiečna znachodzicca».
«Dabraŭsia ažno da Vjetnama, ale ŭ KDB ruki doŭhija, jany jaho dastali navat u Vjetnamie», — davodzić Ziankovič i pierakazvaje historyju zatrymańnia sa słoŭ samoha Vieramiejčyka.
«Načalnik śledčaha ŭpraŭleńnia pałkoŭnik [Kanstancin] Byčak z hrupaj aficeraŭ pajechali na tydzień u Vjetnam, vypisali sabie kamandziroŭku. U samy apošni dzień Vasila miascovyja śpiecsłužby zabrali z ranicy z doma. (…) Prosta z ranicy zajšli ŭ kvateru. Tam dastatkova žorstki ŭlik taksama, usio ž taki kamunistyčnaja kraina. Śpiecsłužby viedajuć, chto dzie žyvie. I jaho prosta zabrali, pryvieźli ŭ aeraport i addali biełaruskim kadebešnikam», — kaža Ziankovič.
Jon pravodzić paralel sa svaim ułasnym zatrymańniem u Maskvie.
«Pa sutnaści [u Vieramiejčyka] taksama było vykradańnie. Nijakija farmalnaści nie vykonvalisia», — reziumuje Juraś Ziankovič.
Biełaruskaja prapahanda pabajałasia pakazać, što Vieramiejčyka vyvozili samalotami «Biełavija» i «Aerafłota»
Žonka Vieramiejčyka: Paśpieŭ napisać dačce adno słova — departacyja
«Dzied budzie hladzieć asabista. Kali jamu spadabajecca…» Ziankovič raskazaŭ, jak ź im zapisvali pieršaje intervju ŭ SIZA KDB
Ciapier čytajuć
U restaranie «Mak.baj» na zahad Łukašenki pierajmienavali amierykana. Jak nazvali?22
Kamientary
Atrymaŭ paru raz s**nymi anučami, zaraz vybiraje inšaje imia.
Paznać nieskładana: harłapanić iłžyvym pafasam: "naš hieroj", "achviaravaŭ žyćciom". A dzie zvyčajnaje pra "narod"?
Dyk voś, hałoŭnaja prablema biełarusaŭ - heta vy, vykanaŭcy i pabiruški ŭsich uzroŭniaŭ, dla jakich radzima pamierami karytca ad "Baćki".
Miarkuju, i va V́jetnamie takija ž.