Siaredni zarobak — $2500, VUP — $32 tysiačy na čałavieka. Ministarka ekanomiki va ŭradzie Cichanoŭskaj prezientavała stratehiju na 10 hadoŭ
Pradstaŭnica Abjadnanaha pierachodnaha kabinieta Biełarusi pa ekanamičnych reformach Alisa Ryžyčenka prezientavała ŭ Varšavie doŭhaterminovuju Stratehiju ekanamičnaha raźvićcia demakratyčnaj Biełarusi da 2035 hoda.
«U asnovie našaj stratehii lažyć ideja trajnoha pryjarytetu: reforma sistemy adukacyi i navuki pavinna iści paralelna z paskoranym technałahičnym raźvićciom ekanomiki. Hetyja try napramki ŭzajemna ŭmacoŭvajuć adzin adnaho i stvarajuć sinierhietyčny efiekt transfarmacyi», — zajaviła Alisa Ryžyčenka.
Pradstaŭnica ekanomiki i finansaŭ padkreśliła, što ŭ Biełarusi niama značnych pryrodnych resursaŭ, ale jość toje, što dazvoliła kvitnieć Estonii, Irłandyi, Izrailu i Sinhapuru:
«U nas jość adukavanyja, talenavityja ludzi i zdolnaść chutka adaptavać sučasnyja technałohii. Mienavita spałučeńnie čałaviečaha kapitału i technałahičnaha praryvu pavinna stać fundamientam našaha budučaha ekanamičnaha raźvićcia».
Pavodle słoŭ Alisy Ryžyčenki, siońniašniaja situacyja krytyčnaja: «Sistema adukacyi dehraduje, navuka znachodzicca na miažy kałapsu, technałahičnaje adstavańnie tolki narastaje».
Adnak demakratyčny pierachod, pa jaje słovach, adkryvaje «ŭnikalnaje akno mahčymaściej».
Stratehija praduhledžvaje try paralelnyja treki:
— adukacyja: finansavańnie da 6—7% VUP, radykalnaje pavyšeńnie zarpłat piedahohaŭ, madernizacyja prahram.
— navuka i inavacyi: stvareńnie daśledčych centraŭ, intehracyja z univiersitetami i biznesam, vydatki na R&D — 2—3% VUP.
— technałahičnaje raźvićcio: poŭnaja ličbavizacyja ekanomiki, rost IT-siektara da 15% VUP, raźvićcio vysokatechnałahičnych vytvorčaściaŭ.
«Da 2035 hoda Biełaruś zdolnaja dasiahnuć VUP na dušu nasielnictva ŭ 28—32 tysiačy dalaraŭ ZŠA — heta ŭ čatyry razy vyšej za ciapierašni ŭzrovień. IT-siektar budzie składać 15% VUP zamiest 3%, vysokatechnałahičny ekspart — 25% zamiest 3%, siaredniaja zarpłata dasiahnie 2000—2500 dalaraŭ, a vytvorčaść pracy vyraście ŭdvaja», — padsumavała Alisa Ryžyčenka.
-
Dla realna topavych śpiecyjalistaŭ kaštoŭnaści važniejšyja za hrošy. Sprečka Pientahona i Anthropic pakazała, što ličycca z hetym davodzicca ŭsim
-
Green u HC «Skała» ŭ Minsku mohuć zakryć
-
Zaruba ŭ rasijskim sudzie: padatkovaja Kiraŭskaj vobłaści šantažavała bahacieńkuju «dačku» «Biełarusnafty» bankructvam
Ciapier čytajuć
Minski školnik praspaŭ prypynak. Ale kiroŭca aŭtobusa davioz jaho dadomu!1
Minski školnik praspaŭ prypynak. Ale kiroŭca aŭtobusa davioz jaho dadomu!
«Čamu ja pavinien dakazvać, što nie darmajed?» Pradprymalnika z Homiela pamyłkova zapisali ŭ niezaniatyja — jon daviedaŭsia tolki paśla vializnych rachunkaŭ za kamunałku2424
Kamientary
voś tolki ŭ krainie hetaj cudoŭnaj nie daviadziecca žyć ni tabie, ni mnie