«Našaj Nivie» stała viadoma, što Śviatłanie Cichanoŭskaj nie viarnuli achovu ŭ Litvie. Źniali achovu jak dla supracoŭnikaŭ Ofisu, tak i piersanalnuju dla Cichanoŭskaj.
Častka supracoŭnikaŭ Ofisu źbirajecca pierajazdžać u Polšču, častka zastaniecca ŭ Litvie. Užo razhladajuć varyjanty pamiaškańnia ŭ Varšavie.
U Ofisie hetu infarmacyju nie paćviardžajuć.
«My praciahvajem pracavać, jak raniej. Cichanoŭskaja zastajecca pad litoŭskaj achovaj, jak i raniej. Nijakaha rašeńnia pra pierajezd niama. Na suviazi ź Litvoj pa ŭsich pytańniach biaśpieki, kali buduć niejkija źmieny — paviedamim», — prakamientavaŭ «Našaj Nivie» daradca Cichanoŭskaj Franak Viačorka.
Krynicy «Našaj Nivy» adnak kažuć, što rašeńnie ŭžo pryniataje.
Pra toje, što Śviatłanie Cichanoŭskaj i jaje Ofisu źnizili ŭzrovień achovy ŭ Litvie, stała viadoma ŭ kastryčniku. U suviazi z hetym daviałosia časova spynić pracu Ofisu.
U Litvie lidarka demsiłaŭ žyła paśla taho, jak pakinuła Biełaruś u žniŭni 2020 hoda. Joj zabiaśpiečyli kruhłasutačnuju fizičnuju achovu jak u Litvie, tak i za jaje miežami. Cichanoŭskaj taksama byŭ prysvojeny status aficyjnaha hościa katehoryi C — taki status zvyčajna nadajecca pasłam zamiežnych dziaržaŭ, kiraŭnikam pradstaŭnictvaŭ mižnarodnych arhanizacyj, akredytavanych u Litvie, členam zamiežnych uradaŭ, členam Jeŭrapiejskaj kamisii i inšym asobam anałahičnaha ŭzroŭniu. Cichanoŭskaja maje ŭ Litvie dypłamatyčnuju akredytacyju.
Pavodle danych krynic LRT.lt, achova Cichanoŭskaj i supravadžalnyja vydatki kaštavali dziaržavie prykładna 1 miljon jeŭra ŭ hod. U hetuju sumu ŭvachodziła kruhłasutačnaja fizičnaja achova ŭ Litvie i za miažoj, aŭtamabili dla supravadžeńnia, utrymańnie miesca pražyvańnia, a taksama karystańnie VIP-terminałami ŭ aeraportach (achova sa zbrojaj moža prachodzić tolki praz takija).
«Naša Niva» — bastyjon biełaruščyny
PADTRYMAĆ-
«Polšča stała nie taja, što raniej». Emihranty, jakija viarnulisia ŭ Biełaruś, patłumačyli čamu i padzialilisia ŭražańniami
-
Stała viadoma, navošta na fasad adnaho z histaryčnych budynkaŭ u Minsku padčas rekanstrukcyi pastavili mietaličnyja kałony
-
«Va Ukrainie nichto nie vieryć, što tam takoje robicca». Ukrainiec, jakoha zatrymali ŭ Biełarusi za dva dni da vajny, raskazaŭ pra pakuty za kratami
Ciapier čytajuć
Na vajskovyja zbory masava zabirajuć hrodziencaŭ. A što minčuki? Padrychtujciesia, vaša čarha — 2027‑2028 hady5
Na vajskovyja zbory masava zabirajuć hrodziencaŭ. A što minčuki? Padrychtujciesia, vaša čarha — 2027‑2028 hady
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2929
Kamientary