Prezident Ukrainy Uładzimir Zialenski zajaviŭ, što Ukraina hatovaja pravieści refierendum pa pytańni budučyni Danbasa, terytoryju jakoha Rasija patrabuje pieradać dziela padpisańnia mirnaj damovy, jakuju padtrymlivajuć ZŠA. Jon padkreśliŭ, što hetaje rašeńnie pavinien pryniać narod Ukrainy — praz vybary abo refierendum.
Zielenski adznačyŭ, što ZŠA prapanujuć stvaryć na Danbasie «asablivuju ekanamičnuju zonu» biez rasijskich vojskaŭ.
«Amierykanski bok bačyć, što ŭkrainskija vojski vychodziać z terytoryi Danbasa, i kampramis byccam by ŭ tym, što rasijskija vojski nie zachodziać na hetuju terytoryju Danbasa. Chto budzie kiravać hetaj terytoryjaj, jakuju jany nazyvajuć užo «svabodnaj ekanamičnaj zonaj» abo «demilitaryzavanaj zonaj», — jany nie viedajuć», — skazaŭ Zialenski.
Taksama prezident Ukrainy dadaŭ, što jahonaja kamanda štodnia pracuje nad prajektam mirnaj damovy, inicyjavanaj ZŠA, jakaja ciapier składajecca ŭ 20 punktaŭ. 10 śniežnia ŭviečary Ukraina adpraviła ŭ Vašynhton pierahledžany dakumient, jaki ŭklučaje novyja prapanovy pa sprečnych terytoryjach i kantrolu nad Zaparožskaj AES. Zialenski padkreśliŭ, što hety prajekt jašče nie kančatkovy.
U dakumiencie prapisvajecca, što Rasija pavinna vyvieści vojski z častak Charkaŭskaj, Sumskaj i Dnieprapiatroŭskaj abłaściej, a na Chiersonščynie i Zaparožžy bajavyja dziejańni prapanujecca spynić pa linii frontu. Taksama ŭ novym varyjancie dakumienta adkarektavanaja kolkaść ukrainskaj armii: kali raniej jana była abmiežavanaja 600 tysiačami sałdat, to ciapier — 800 tysiač.
10 śniežnia lidary Hiermanii, Francyi i Vialikabrytanii razmaŭlali pa telefonie z Donaldam Trampam pra mirnuju damovu. Pavodle infarmacyi The Wall Street Journal, Tramp skazaŭ jeŭrapiejcam, što jany pavinny akazać cisk na Zialenskaha, kab jon pahadziŭsia na płan ZŠA, jaki ŭklučaje terytaryjalnyja sastupki i abmiežavańnie kolkaści Uzbrojenych sił Ukrainy. Fiederalny kancler Hiermanii Frydrych Mierc pry hetym adznačyŭ, što rašeńnie pra sastupki pavinny prymać prezident i narod Ukrainy.
Tramp: Zialenskamu treba być realistam, va Ukrainie adbyvajecca maštabnaja karupcyja, čas pravodzić vybary
Zialenski paviedamiŭ pra isnavańnie troch dakumientaŭ, jakija datyčacca zaviaršeńnia vajny va Ukrainie
Vybaram va Ukrainie ciapier pieraškadžajuć dźvie vialikija prablemy
ZŠA dali Zialenskamu dedłajn da Kaladaŭ, kab jon padpisaŭ mirny płan
Ciapier čytajuć
Chto taja biełaruska, jakuju ekstradavali ŭ ZŠA dla suda za kantrabandu detalaŭ dla samalotaŭ5
Chto taja biełaruska, jakuju ekstradavali ŭ ZŠA dla suda za kantrabandu detalaŭ dla samalotaŭ
«Kab Biełaruś nie addali Pucinu ŭ jakaści suciašalnaha pryza». Cichanoŭskaja zaklikaje ŭklučyć biełaruskaje pytańnie ŭ mirnyja pieramovy Ukrainy i Rasii3434
Kamientary
Viedajecie, heta pryhoža hučyć, chaj heta abiraje narod Ukrainy! Ale ž ź inšaha boku, heta zvyčajnaje biehstva ad adkaznaści, mo jakija mohuć być pytańnie da mianie, heta Vy ( narod) tak rašyli, vaša i adkaznaść!