Mierc, Makron i Starmier abmierkavali z Trampam situacyju va Ukrainie
Fiederalny kancler Hiermanii Frydrych Mierc, prezident Francyi Emanuel Makron i premjer-ministr Vialikabrytanii Kir Starmier abmierkavali z prezidentam ZŠA Donaldam Trampam situacyju va Ukrainie, paviedamiła kancylaryja fiederalnaha kanclera Hiermanii.
«Čatyry kiraŭniki dziaržaŭ i ŭradaŭ abmierkavali stan pieramoŭ pa pieramirji va Ukrainie. Intensiŭnaja praca nad płanam miru pavinna praciahnucca ŭ najbližejšyja dni. Jany pahadzilisia, što heta vyrašalny momant dla Ukrainy i ahulnaj biaśpieki ŭ jeŭraatłantyčnaj prastory», — havorycca ŭ paviedamleńni na sajcie kancylaryi.
U Kira Starmiera taksama paćvierdzili fakt razmovy, ale adznačyli, što «intensiŭnaja praca nad mirnym płanam praciahvajecca i budzie praciahvacca ŭ najbližejšyja dni».
«Lidary abmierkavali apošnija naviny ab mirnych pieramovach, jakija praciahvajucca pad ehidaj ZŠA, vitajučy ich namahańni, nakiravanyja na dasiahnieńnie spraviadlivaha i praciahłaha miru dla Ukrainy i spynieńnie zabojstvaŭ. Intensiŭnaja praca nad mirnym płanam praciahvajecca i budzie praciahvacca ŭ najbližejšyja dni. Jany pahadzilisia, što heta krytyčny momant — dla Ukrainy, jaje naroda i dla ahulnaj biaśpieki va ŭsim Jeŭraatłantyčnym rehijonie», — zajavili ŭ ofisie brytanskaha premjera.
ZŠA dali Zialenskamu dedłajn da Kaladaŭ, kab jon padpisaŭ mirny płan
Zialenski: Zaŭtra my pieradadzim ZŠA mirny płan
Pytańnie ab pieradačy Ukrainie zamarožanych rasijskich aktyvaŭ budzie vyrašana dniami
Tramp: Zialenskamu daviadziecca ŭziać siabie ŭ ruki i pryniać ździełku, bo Ukraina prajhraje ŭ vajnie
Tramp pra dapamohu ŭkraincam: Ja im ničoha nie daju, a krainy NATA kuplajuć uzbrajeńnie ZŠA za poŭnuju canu
Minčanka Anhielina, jakaja prasiła ŭ Łukašenki kvateru za trojniu, atrymała žyllo18
Kamientary