Były kiraŭnik Biełhazprambanka i pretendent u prezidenty na vybarach-2020 byŭ zatrymany 6 lipienia 2020 hoda. Jamu prysudzili 14 hadoŭ kałonii.
Viktar Babaryka jość u śpisie pamiłavanych, jakich vyzvalajuć 13 śniežnia.
Błohier i były palitviazień Ihar Łosik raskazvaŭ, što da taho, jak pierapisku abmiežavali, Babaryka atrymlivaŭ da 300 listoŭ na dzień.
Były bankir adbyvaŭ pakarańnie ŭ kałonii № 1 u Navapołacku. Jaho asudzili ŭ lipieni 2021 hoda. Babaryku pryznali vinavatym u atrymańni chabaru ŭ asabliva bujnym pamiery (č. 3 art. 430 KK) i ŭ lehalizacyi srodkaŭ, atrymanych złačynnym šlacham (č. 2 art. 235 KK). Jamu dali 14 hadoŭ va ŭmovach uzmocnienaha režymu.
Akramia hetaha, palitviaźnia pakarali štrafam u pamiery 145 tysiač rubloj (piać tysiač bazavych vieličyniaŭ), a taksama jon pavinien budzie vypłacić bolš za 46 miljonaŭ rubloŭ, kab pahasić nibyta pryčynienuju im škodu. Taksama Viktara pazbavili prava zajmać kiraŭničyja pasady na niekatory čas. Viktar Babaryka vinu nie pryznaŭ.
U krasaviku 2023 hoda stała viadoma, što Babaryku špitalizavali ŭ navapołackuju balnicu sa śladami źbićcia i pnieŭmatoraksam. U lipieni taho ž hoda administracyja kałonii paviedamiła svajakam Babaryki, što jon znachodzicca ŭ pamiaškańni kamiernaha typu, jaho zdaroŭju «ničoha nie pahražaje».
Ź lutaha 2023 hoda Viktar Babaryka ŭtrymlivaŭsia ŭ režymie inkamunikada (infarmacyjnaj błakady), jaki pravaabarončaja supolnaść ličyć ciažkim parušeńniem pravoŭ čałavieka.
U studzieni 2025 hoda Babaryku naviedaŭ błohier Raman Pratasievič. Jon apublikavaŭ fota Babaryki i jaho videazvarot Babaryki da rodnych. U źniavoleńni Babaryka mocna cchudnieŭ.
Na Šry-Łancy ŭ 37 hadoŭ pamior biełaruski kinapradziusar Andrej Matałyha4
Kamientary