Еўрапейскія лідары выпусцілі супольную заяву, у якой аб'явілі пра сумесную з ЗША падтрымку і забеспячэнне гарантый бяспекі для Украіны.
Удзельнікі сустрэчы ў Берліне, якая прайшла 14‑15 снежня. Злева направа ў першым радзе: прэзідэнт Францыі Эманюэль Макрон, федэральны канцлер Германіі Фрыдрых Мерц, прэзідэнт Украіны Уладзімір Зяленскі, спецпрадстаўнік Дональда Трампа Стыў Уіткаф, зяць Дональда Трампа Джарэд Кушнер, прэм’ер-міністарка Італіі Джорджа Мелоні; у другім шэрагу: генеральны сакратар НАТА Марк Рутэ, прэм’ер-міністарка Даніі Метэ Фрэдэрыксэн, прэзідэнтка Еўракамісіі Урсула фон дэр Ляен, прэм'ер-міністр Нідэрландаў Дзік Схоф, прэм’ер-міністр Швецыі Ульф Крыстэрсан. Фота: AP Photo/Markus Schreiber, Pool
План прадугледжвае:
- Пастаянную вайсковую падтрымку Украіны. Колькасць УСУ захоўваецца на ўзроўні 800 тысяч чалавек у мірны час для стрымлівання магчымай агрэсіі і абароны тэрыторыі;
- Шматнацыянальныя сілы Украіны пад кіраўніцтвам Еўропы: яны фармуюцца ў рамках «кааліцыі ахвотных» пры падтрымцы ЗША — для аднаўлення УСУ, абароны неба і бяспекі на моры, з магчымымі дзеяннямі ўнутры Украіны
- Механізм кантролю спынення агню: маніторынг пад кіраўніцтвам ЗША з міжнародным удзелам — для ранняга папярэджання нападаў, фіксацыі парушэнняў і рэагавання на іх;
- Юрыдычна абавязковыя гарантыі бяспекі: у выпадку нападу — абавязак рэагаваць з дапамогай вайсковых, выведвальных, эканамічных і дыпламатычных мераў;
- Фінансаванне рэканструкцыі, гандлёвыя пагадненні і кампенсацыя шкоды з боку Расіі. Расійскія актывы ў ЕС застаюцца замарожанымі;
- Падтрымку ўступлення Украіны ў ЕС.
У дакуменце падкрэсліваецца, што рашэнне тэрытарыяльных пытанняў павінна застацца за Украінай.
«[Еўрапейскія лідары] пацвердзілі, што міжнародныя межы не павінны змяняцца сілай. Пастановы аб тэрыторыі прымаюцца народам Украіны пасля таго, як будуць фактычна забяспечаныя надзейныя гарантыі бяспекі. Яны пагадзіліся з тым, што некаторыя пытанні неабходна будзе вырашыць на заключным этапе перамоў. Яны падкрэслілі, што падтрымаюць прэзідэнта Зяленскага ў пытанні кансультацый з народам у выпадку патрэбы», — гаворыцца ў заяве.
Памятаеце Пятрушу, які выдзіраў драты «дыджэям Перамен»? Яго перавялі ў трэцюю лігу чыноўнікаў пасля месяцаў беспрацоўя7
Памятаеце Пятрушу, які выдзіраў драты «дыджэям Перамен»? Яго перавялі ў трэцюю лігу чыноўнікаў пасля месяцаў беспрацоўя
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек44
Каментары
А хто будзе аплочваць такую вялікую армію мірнага часу?
"Шматнацыянальныя сілы Украіны пад кіраўніцтвам Еўропы"©
Атрымліваецца, сілы Ўкраінцы будуць кіравацца Эўропай?
"Фінансаванне рэканструкцыі, гандлёвыя пагадненні і кампенсацыя шкоды з боку Расіі. Расійскія актывы ў ЕС застаюцца замарожанымі;"©
Няўжо Эўропа з Украінай плануюць падзяліць паміж сабой расейскія 300 ярдаў? На колькі я разумею, рэпарацыі плаціць той, хто прайграў. Што плануе рабіць Эўропа для перамогі Ўкраіны?
Першыя два пункты - гарантыя бяспекі ў выглядзе ...арміі самой Украіны. (У другім пункце яшчэ дадалі што пад
пад кіраўніцтвам Еўропы. І пры падтрымцы ЗША.
У трэцім пункце гарантый ад Еўропы ізноў нешта павінна ЗША.
У шостым пункце нейкія "гандлёвыя пагадненні і кампенсацыя шкоды з боку Расіі". З кім гандлёвыя пагадненні?
"Расійскія актывы ў ЕС застаюцца замарожанымі" - грошы акупанта Украіне Еўропа не аддасць.
Падтрымку ўступлення Украіны ў ЕС - не канкрэтна "уступ у ЕС", а "падтрымку" нейкую, без дат.