U Čarnihavie rasijski dron razburyŭ piacipaviarchovik u dzień Kalad, zahinuła žančyna
Rasijskaja armija praciahnuła teror ukrainskich haradoŭ navat u śviatočnyja dni. U Čarnihavie ŭ vyniku ŭdaru bieśpiłotnika pa žyłym domie zahinuła žančyna, jašče vosiem čałaviek atrymali ranieńni.
Trahiedyja adbyłasia ŭdzień 25 śniežnia. BpŁA trapiŭ u zvyčajny piacipaviarchovik. Na miescy ŭdaru ŭspychnuŭ pažar. Ratavalniki zdoleli vyzvalić z-pad zavałaŭ čatyroch žycharoŭ i evakujavać jašče dzieviać čałaviek. Žyćcio 80‑hadovaj žančyny vyratavać nie ŭdałosia.
Prezident Ukrainy Uładzimir Zialenski paviedamiŭ, što ŭdar pa Čarnihavie adbyŭsia faktyčna ŭ toj čas, kali jon pravodziŭ telefonnuju razmovu z Usialenskim Patryjarcham Varfałamiejem.
«My majem spravu z varvarami, jakija, zrešty, i ŭ Boha nie vierać. Mienavita takoj Rasija stała, i zusim hetaha nie saromiejecca. Naadvarot, svaju prahu da zabojstvaŭ jany tam namahajucca zrabić asnovaj nacyjanalnaha honaru», — skazaŭ Zialenski.
Kamientary