Fudkort, majstar-kłasy, paravoz. U «Novaj Baravoj» startavaŭ zimovy kirmaš FOTA
U «Novaj Baravoj» startavaŭ dvuchtydniovy kaladny kirmaš. Centralnuju płošču na vulicy Michaiła Mila, 4, ciapier zajmajuć fudkort i čaroŭnaja pošta, a ŭ vuličnaj majsterni stvarajuć śviatočnyja vyraby. Navahodnija aktyŭnaści praciahnucca da 7 studzienia, piša Onliner.
Siarod asnoŭnych padziej kirmašu — biaspłatnyja majstar-kłasy na centralnaj płoščy. Ich udzielniki składali karty žadańniaŭ, rabili navahodnija birulki, upryhožvali cacki na jalinku. Usio, što zroblena svaimi rukami, možna było zabrać dadomu. Majstar-kłasy paŭtoracca 27 i 28 śniežnia, a taksama 7 studzienia.
Pobač adkryłasia čaroŭnaja pošta z paštoŭkami. Kali kartku zapoŭnić asabistym pažadańniem, paznačyć atrymalnika i pakłaści ŭ skryniu, to arhanizatary adpraviać jaje na luby adras.
Vialikim popytam karystaŭsia dziciačy ciahnik «Palarny ekspres» z ekskursijaj pa centralnym parku. Dzieci achvotna zajmali miescy jak u pasažyrskim vahončyku, tak i ŭ adkrytaj stylizavanaj vahanietcy. Na vychadnych dziaciej u «Novaj Baravoj» naviedaje Dzied Maroz ź miadźviedziem: dzieci zmohuć raskazać vieršyki i patančyć u karahodzie.
Znajšłosia miesca i dla jalinkavaha bazaru.
Na płoščy razharnuŭsia fudkort z vuličnaj ježaj. U Bulba Frites hatujuć bulbu pa-bielhijsku z roznymi sousami i haračymi zakuskami, u Unicorn — aŭtarskija ražki ź miasnymi načynkami, a ŭ Zona51 — burhiery i picy ŭ formie latučych talerak. U Wow Waffles vypiakajuć bielhijskija i hankonhskija vafli z načyńniem, a ŭ Food Festival smažać blincy. «Šalony Knyr» zrabiŭ staŭku na miasnyja stravy, «Trdelnik» vabić trubačkami z pacham karycy, a ŭ Churreria Comida Mexicana možna ŭziać tartylju, taka abo načos.
Tut ža pracuje i zona biaspłatnaj upakoŭki svaich padarunkaŭ u abmien na zaałahičnyja tavary. Apošnija pieradaduć dla badziažnych žyvioł. Da kanca śniežnia punkt pracuje z 17:00 da 21:00, 31 śniežnia — z 17:00 da 19:00, a 6 i 7 studzienia — z 17:00 da 21:00.
Ciapier čytajuć
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ2020
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ20
«Hienierał Biada vylecieŭ praz bakavoje škło «Čajki». Małaviadomaja avaryja 1976 hoda, u jakoj zahinuli druhi čałaviek u BSSR i bajavy lotčyk-hienierał33
Kamientary