Zialenski dapuściŭ, što Tramp moža pryjechać va Ukrainu dla padtrymki płana mirnaha pahadnieńnia
Prezident Ukrainy Uładzimir Zialenski dapuściŭ mahčymaść vizitu Donalda Trampa ŭ Kijeŭ. U ekskluziŭnym intervju vydańniu Axios jon adznačyŭ, što amierykanski lidar moh by asabista raskazać pra detali mirnaha pahadnieńnia ŭkrainskamu narodu pierad mahčymym refierendumam.
Zialenski paćvierdziŭ, što daradcy Trampa — Styŭ Uitkaf i Džared Kušnier — užo hatovyja naviedać Ukrainu. Adnak jon vykazaŭ dumku, što vizit samoha prezidenta ZŠA byŭ by najlepšym sposabam pierakanać hramadstva ŭ nadziejnaści damoŭlenaściaŭ.
Zialenski papiaredziŭ: kali taki vizit ci ahitacyja pierad refierendumam buduć prachodzić pad ahniom, jany nie buduć mieć pośpiechu. «Ludzi buduć bačyć nie abiacańni, a rakiety», — padkreśliŭ jon, namahajučy na abaviazkovym spynieńni ahniu minimum na 60 dzion.
Mahčyma, pytańnie vizitu Trampa ŭ Kijeŭ stanie adnoj z tem abmierkavańnia na ich sustrečy ŭ rezidencyi Mar-a-Łaha ŭ niadzielu, 28 śniežnia.
Ciapier čytajuć
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ2020
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ20
«Hienierał Biada vylecieŭ praz bakavoje škło «Čajki». Małaviadomaja avaryja 1976 hoda, u jakoj zahinuli druhi čałaviek u BSSR i bajavy lotčyk-hienierał33
Kamientary