Ruhinienie: Litva hatova razhledzieć zapyt ZŠA adnavić tranzit biełaruskich uhnajeńniaŭ, kali jon budzie
Paśla taho jak ZŠA pastanavili skasavać sankcyi suprać biełaruskich kalijnych uhnajeńniaŭ, premjer-ministarka Inha Ruhinienie zajaviła, što Litva nie adčuvała cisku z boku supolnikaŭ nakont adnaŭleńnia tranzitu. Tym nie mienš, kiraŭnica ŭrada nie vyklučaje, što ŭ vypadku atrymańnia takoj prośby jana moža być razhledžana, piša ELTA.
«Da nas nie pastupała nijakaj prośby razhledzieć adnaŭleńnie tranzitu praź Litvu, ale kali takaja prośba budzie — my jaje razhledzim. Kali hety krok budzie zrobleny, tady my zmožam aceńvać i havaryć. Zaraz pra heta navat niama havorki», — zajaviła premjer-ministarka.
Kiraŭnica ŭrada padkreśliła, što dačynieńni Litvy z ZŠA zastajucca dobrymi, a dypłamatyčnaja padtrymka ZŠA ŭ vyrašeńni hibrydnaj ataki, jakuju Biełaruś pravodzić suprać Litvy, — nadzvyčaj važnaja.
«My nie pavinny zabyvać, što pry razhladzie dypłamatyčnych pytańniaŭ u nas jość kankretny supolnik. U hetym vypadku, kali kazać pra Biełaruś, my majem amierykancaŭ», — skazała jana.
Ruhinienie dadała, što ŭ ciapierašniaj situacyi vielmi važna ŭzmacniać baraćbu z kantrabandaj i zabiaśpiečyć jak maha bolš efiektyŭnaje jaje spynieńnie.
«Za hety pieryjad, źmianiŭšy mnostva ałharytmaŭ i vybudavaŭšy peŭnuju paśladoŭnaść dziejańniaŭ, my bačym, što baraćba z kantrabandaj razharnułasia niabłaha. Ad zvyčajnych kanfiskacyj da niadaŭniaj značnaj apieracyi, padčas jakoj było zatrymana šmat ludziej i kanfiskavanaja majomaść», — skazała premjerka.
«Hetyja dziejańni pradaŭžajucca. My ruk nie apuścim i jašče bolš aktyvizujem baraćbu z kantrabandaj», — dadała jana.
-
U Hdańsku kiroŭca aŭtobusa ź Biełarusi i rabočy vierfi z Ukrainy vyratavali pažyłuju paru ad napadnika
-
Łatvija prapuściła aŭtamabili ź niejtralnaj pałasy, ale los miažy ź Biełaruśsiu pakul niavyznačany
-
Kolkaść achviar vybuchu ŭ maskoŭskim elitnym restaranie na jubilei hienierała, jaki kamandavaŭ nastupam na Kijeŭ ź Biełarusi ŭ 2022-m, vyrasła da piaci čałaviek
Ciapier čytajuć
Kolkaść achviar vybuchu ŭ maskoŭskim elitnym restaranie na jubilei hienierała, jaki kamandavaŭ nastupam na Kijeŭ ź Biełarusi ŭ 2022-m, vyrasła da piaci čałaviek33
Kamientary
Paślazaŭtra Tramp zahadaje vyšturchnuć Cichanoŭskuju pa ŭhodzie z łukoj - zrobiać u toj ža dzień. Užo namiakajuć.
Hetak ža sama jany buduć dziejničać pry realnaj pahrozie maskalskaj akupacyi - pabiahuć trykalorčyki vyviešvać. A što - reałpalicik.
Jak byli fejk stejt u mižvajenny pieryjad, tak i zastalisia.