Daśledčyki znajšli miesca ŭ Biełarusi, dzie bazujecca «Arešnik»
Amierykanskija daśledčyki vyjavili vierahodnuju bazu dla raźmiaščeńnia rasijskich hipierhukavych rakiet «Arešnik» na terytoryi Biełarusi. Pavodle źviestak ahienctva Reuters, spadarožnikavyja zdymki pakazvajuć na intensiŭnaje budaŭnictva na byłym vajskovym aeradromie pad Kryčavam, što ŭ Mahiloŭskaj vobłaści, usiaho za niekalki kiłamietraŭ ad rasijskaj miažy.
Ekśpierty Džefry Ljuis i Dekier Evielet, praanalizavaŭšy fota kampanii Planet Labs, zaŭvažyli na abjekcie charakternyja prykmiety rasijskaj stratehičnaj rakietnaj bazy.
Na terytoryi aeradroma źjaviŭsia novy čyhunačny vuzieł vajskovaha pryznačeńnia z achoŭnaj aharodžaj, a taksama bietanavanyja placoŭki, jakija paźniej byli zasypanyja ziamloj dla maskavańnia.
Budaŭnictva placovak pačałosia ŭ pieryjad z 4 da 12 žniŭnia.
Daśledčyki zajavili, što na «90% upeŭnienyja», što mabilnyja puskavyja ŭstanoŭki rakietnaha kompleksu raźmieščanyja na byłoj avijabazie pad Kryčavam, prykładna za 307 kiłamietraŭ na ŭschod ad Minska i za 478 kiłamietrach na paŭdniovy zachad ad Maskvy.
Raźmiaščeńnie rakiet u Biełarusi značna pašyraje mahčymaści Maskvy pa naniasieńni ŭdaraŭ uhłyb Jeŭropy.
Niadaŭna Łukašenka paćvierdziŭ, što pieršyja «Arešniki» ŭžo zastupili na bajavoje dziažurstva, nazvaŭšy heta «adkazam na ahresiŭnyja dziejańni Zachadu».
U svaju čarhu, prezident Ukrainy Uładzimir Zialenski zajaŭlaŭ, što Kijeŭ vałodaje dakładnymi kaardynatami raźmiaščeńnia hetych rakiet i ŭžo prainfarmavaŭ mižnarodnych partnioraŭ ab novych pahrozach, jakija stvarajucca z terytoryi Biełarusi.
Ciapier čytajuć
Kolkaść achviar vybuchu ŭ maskoŭskim elitnym restaranie na jubilei hienierała, jaki kamandavaŭ nastupam na Kijeŭ ź Biełarusi ŭ 2022-m, vyrasła da piaci čałaviek44
Kamientary
Adkul byvajuć nasypnyja piasčana-hravijnyja darohi ŭ našych lasach, navat tam dzie zusim hłucha, časta hetyja darohi nikudy nie viaduc. Akazałasia, heta vajskovyja darohi, dla ciahačoŭ, jakija pavinny byli taskać na sabie balistyčnyja rakiety ź jadravaj zbrojaj. (Była źmieniena daktryna, kali stała zrazumieła, što puskavyja šachty rakiet viadomy ZŠA).
Sama pa sabie takaja daroha ničym nie škodzić i moža być vykarystana lubym čynam. Važna, što ŭ lasach byli zrobleny schavanyja bietonnyja čašy- puskavyja miescy, bo bieź ich savieckija rakiety mahli nie ŭźlacieć.
A ŭvohule tak cikava sačyć, jak hetyja dziady zahibajucca, ale maładziacca botaksam i kryvioj cnatlivych durnych dzievak
Čto iźmienili eti nieskolko kiłomietrov dla rakiety, kotoraja letit na 1000 km???
Absolutno ničieho, kromie hromkoho sotriasanija vozducha odnim usatym. I nahnietanija istierii zaintieriesovannymi v niej.