Što za chakieist źbiŭ Łukašenku prosta padčas hulni

Na matčy chakiejnaj zbornaj Łukašenki palityka vypadkova źbili — jon palacieŭ na lod. Voś što za hulec heta zrabiŭ. 

@nashaniva Što za chakieist mocna źbiŭ Łukašenku? Chto taki Jarasłaŭ Čuprys? #łukašienko #našaniva #biełaruśnovosti #biełorusy #chkdinamominsk ♬ Spooky, quiet, scary atmosphere piano songs - Skittlegirl Sound

Były hulec zbornaj

Jarasłavu Čuprysu 44 hady, pa hulniavym ampłua jon forvard. Padčas svajoj karjery vystupaŭ za minskija kłuby, u tym liku ŭ «Kieraminie», adyhraŭ try hady ŭ «Dynama».

Skančvaŭ hulniavuju karjeru ŭ salihorskim «Šachciory», dzie hulaŭ z 2011‑ha pa 2017‑ty hady, u 2018‑m viarnuŭsia ŭ «Šachcior» dla trenierskaj pracy. U 2023‑m uznačaliŭ kamandu jak hałoŭny trenier, ale tytułaŭ ź joj tak i nie vyjhraŭ.

Čuprys paśpieŭ pahulać u biełaruskaj zbornaj. Spačatku heta byŭ moładzievy čempijanat śvietu 2001‑ha hoda, a paźniej ažno piać čempijanataŭ śvietu ŭ hałoŭnaj zbornaj — apošni ź ich byŭ u 2010‑m hodzie.

Čuprysa składana było nazvać miehazorkaj, ale jakuju-nijakuju statystyku jon naźbiraŭ — 98 matčaŭ u składzie zbornaj i 47 (17 zakinutych šajb + 30 halavych pieradač) bambardzirskich bałaŭ.

Letam 2025‑ha Čuprysa adpravili kiravać junackaj zbornaj Biełarusi.

Dobra znajomy ź Dźmitryjem Baskavym

Čuprys pačynaŭ svaju chakiejnuju karjeru ŭ škole minskaha kłuba «Junactva». Razam ź im tam zajmaŭsia Dźmitryj Baskaŭ — były chakieist i były kiraŭnik chakiejnaj fiederacyi, jaki paśla bana ad Mižnarodnaj fiederacyi chakieja za datyčnaść da zabojstva Ramana Bandarenki apynuŭsia na ciopłym miescy ŭ Saviecie Respubliki.

Jašče ŭ dziacinstvie Čuprys pasiabravaŭ z Baskavym. Hetaje znajomstva prynosić jamu karyść i dahetul: naprykład, paśla zakančeńnia hulniavoj karjery Čuprys trapiŭ na pieršuju pracu trenieram mienavita z dapamohaj Baskava.

Ličyŭ ruskuju movu prykmietaj patryjatyzmu

U 2018‑m kanadziec Džef Płet, jaki na toj čas hulaŭ za biełaruskuju zbornuju, daŭ nievialički kamientar miedyja na ruskaj movie. Adbyvałasia heta ŭ pierapynku hulni KCHŁ pamiž «Dynama» i «Jokierytam». Jarasłaŭ Čuprys tady vystupaŭ jak ekśpiert u telestudyi i za viedańnie ruskaj movy nazvaŭ Płeta patryjotam.

Nazyvaje Łukašenku spartyŭnym čałaviekam

U niadaŭnim intervju Čuprys vykazvaŭsia pra palityka nastupnym čynam:

«Spartyŭny čałaviek, jaki lubić fizičnyja nahruzki — heta ja viedaju dakładna. Pahladzicie, jak drovy kole. Mocny mužčyna, jaki daść foru lubomu maładomu».

Padtrymlivaŭ Łukašenku jašče da vybaraŭ 2020-ha

Letam 2020‑ha Čuprys kazaŭ pra ŭdziačnaść dziaržavie za «spakoj i ŭpeŭnienaść u zaŭtrašnim dni». U paślavybarčy čas jon udzielničaŭ u inaŭhuracyi Łukašenki i praciahvaŭ hulać u chakiejnaj kamandzie palityka.

Na siońnia jon ličyć svaju hulniu za hetuju kamandu vialikim honaram — i ŭpeŭnivaje, što achvotnych zhulać za jaje vielmi šmat.

• 1
• 7
• 19
• 5
• 0
• 0
• 1
• 0