Alaksandr Łukašenka tak lasnuŭsia na lod na chakiei, što trybuny zamierli VIDEA
Epizod zdaryŭsia ŭčora na matčy chakiejnaj kamandy Łukašenki z kamandaj Bresckaj vobłaści.
Chakieist pad numaram 68, pad jakim hulaje były zbornik Jarasłaŭ Čuprys, vypadkova śpinaj źbiŭ Łukašenku, jaki stajaŭ na lodzie ŭ centry placoŭki.
Łukašenka ŭpaŭ, trybuny zamierli. Ale jaho padniali, i jon ustaŭ na kańki.
Pres-słužba Łukašenki nie paviedamlała pra zdareńnie. Tam napisali tolki pra važnuju rolu Mikałaja ŭ hulni: «Voś heta matč! Kamanda pieršaha i kamanda pieršaha rehijonu zhulali ź likam 5: 5. Baraćba praciahvałasia da apošnich siekund. Piatuju šajbu ŭ varoty supiernika Mikałaj Łukašenka zakinuŭ za try dziasiatyja siekundy da kanca treciaha pieryjadu!» — badziora paviedamiła pres-słužba Łukašenki.
Ci dahulaŭ Čuprys da kanca matča, nieviadoma — tranślacyi hulni nie było.
Jarasłaŭ Čuprys — prajšoŭ šlach ad napadajučaha da treniera. Vychavaniec škoły «Junactva» za svaju karjeru paśpieŭ pahulać na piaci čempijanatach śvietu i pravieści amal sotniu matčaŭ u hałoŭnaj kamandzie krainy. Čuprys trojčy stanaviŭsia čempijonam Biełarusi.
Paśla zaviaršeńnia hulniavoj karjery ŭ 2017 hodzie zaniaŭsia trenierskaj dziejnaściu. Ciapier jon uznačalvaje junackuju zbornuju Biełarusi (U-17).
Heta nie pieršaje zdareńnie na lodzie z 71‑hadovym palitykam. U 2022 hodzie jon atrymaŭ kluškaj pa tvary padčas finału respublikanskaha amatarskaha chakiejnaha turniru ad Arcioma Pučkoŭskaha.
«Maje śpinahryzy sa mnoj». Cichanoŭskaja raskazała, što ŭžo vybiraje dla dziaciej škołu ŭ Varšavie12
Kamientary