Štohadovaja ŭznaharoda ŭšanoŭvaje najlepšyja tvory publicystyki, jakija nie tolki adlustroŭvajuć vostryja prablemy sučasnaści, ale i niasuć u sabie duch demakratyi, praŭdy i spraviadlivaści. Premija zaklikaje aŭtaraŭ hučna vykazvacca na važnyja temy i zmahacca za praŭdu, jak heta rabiŭ jaje lehiendarny zasnavalnik, paviedamlaje «Budźma».
Sioleta byli ŭhanaravany niekalki pieramožcaŭ:
za humanistyčnaje asensavańnie biełaruskaha turemnaha dośviedu ź pierśpiektyvy dziaciej represavanych baćkoŭ premiju imia Alesia Adamoviča atrymała Volha Vialička i kniha «Ad dvuch da piatnacaćci: Maja mama ŭ turmie» (vydaviectva «Gutenberg Publisher»);
za śmiełaść i supieražyvańnie va ŭmovach dyskryminacyi i hvałtu ŭhanaravana častka knihi «Cieła taksama archiŭ» aŭtarstva Nasty Mancevič (vydaviectva «Pflaŭmbaŭm»).
Premija imia Alesia Adamoviča była zasnavanaja Biełaruskim PENam praz hod paśla śmierci jaje patrona. Heta simvał litaraturnaha i hramadzianskaha podźvihu asoby, jakaja pryśviaciła svajo žyćcio baraćbie za pravy čałavieka i svabodu słova. Fundatarkaj premii imia Alesia Adamoviča z 2018 hoda źjaŭlajecca hanarovaja staršynia Biełaruskaha PENa, piśmieńnica, łaŭreatka Nobieleŭskaj premii pa litaratury Śviatłana Aleksijevič.
Ciapier čytajuć
Što viadoma pra viciebčuka, jakoha vinavaciać u sprobie padryvu samalota ŭ Hiermanii5
Kamientary