Šviejcaryja zamaroziła ŭsie aktyvy Nikałasa Madura i abiacaje «viarnuć ich narodu»
Fiederalnaja rada Šviejcaryi pryniała rašeńnie nieadkładna zabłakavać usie aktyvy byłoha kiraŭnika Vieniesueły Nikałasa Madura i źviazanych ź im asob, jakija znachodziacca ŭ krainie. Heta było abvieščana praz dva dni paśla taho, jak Madura byŭ zachopleny ZŠA padčas razhornutaj vajskovaj apieracyi ŭ Karakasie, piša Euronews.
Šviejcarskija ŭłady adznačyli, što miera nakiravanaja na praduchileńnie ŭciakańnia kapitału, pry hetym padkreślivajučy, što jana nie tyčycca nivodnaha člena dziejnaha vieniesuelskaha ŭrada.
U zajavie havorycca, što kali ŭ chodzie dalejšych sudovych razhladaŭ budzie dakazana niezakonnaje pachodžańnie hetych srodkaŭ, Šviejcaryja zabiaśpiečyć ich viartańnie narodu Vieniesueły.
Zamarozka aktyvaŭ dapaŭniaje sankcyi, užo ŭviedzienyja ŭ adnosinach da Vieniesueły ŭ adpaviednaści z zakonam ab embarha, jakija dziejničajuć z 2018 hoda i taksama ŭklučajuć miery pa zamarožvańni aktyvaŭ.
U paniadziełak Nikałas Madura staŭ pierad fiederalnym sudom Manchetena. Jamu vystaŭlenyja čatyry abvinavačvańni, uklučajučy «zmovu z metaj narkateraryzmu» i zachoŭvańnie aŭtamatyčnaj zbroi. Niekatoryja abvinavačvańni tyčacca taksama jaho žonki Silii Fłores, syna i niekalkich vysokapastaŭlenych čynoŭnikaŭ.
Heta pieršaje słuchańnie, viadomaje jak «abvinavaŭčaje zaklučeńnie», jakoje pačynaje sudovy praces pa vyznačeńni mahčymaści pryciahnieńnia kiraŭnika Vieniesueły da adkaznaści ŭ ZŠA.
U dzień zatrymańnia Madura dziaržsakratar ZŠA Marka Rubia zajaviŭ na płatformie X, što jon «nie źjaŭlajecca prezidentam Vieniesueły», a kiruje «kartelem Łos-Soles — narkaterarystyčnaj arhanizacyjaj, jakaja zachapiła kantrol nad krainaj».
Madura na sudzie nie pryznaŭ viny ŭ narkateraryźmie
Madura prapanoŭvali vyjechać u Turcyju, ale jon nie pahadziŭsia
Nikałasa Madura viaduć vulicami Ńju-Jorka
Kim była žonka Nikałasa Madura? Jana nie takaja prostaja
Abaraniajučy Madura, padčas amierykanskaj śpiecapieracyi zahinuli 32 kubincy
Tramp: Novaj kiraŭnicy Vieniesueły budzie horš, čym Madura, kali jana admovicca supracoŭničać
Ciapier čytajuć
Palitviazień Kim Samusienka paraŭnaŭ śviet na momanty jaho pasadki i vyzvaleńnia: Usio niadrenna dla jeŭrapiejskaj cyvilizacyi, a značyć, i dla biełarusaŭ1818
Palitviazień Kim Samusienka paraŭnaŭ śviet na momanty jaho pasadki i vyzvaleńnia: Usio niadrenna dla jeŭrapiejskaj cyvilizacyi, a značyć, i dla biełarusaŭ18
U dzień pačatku Pieciarburhskaha ekanamičnaha forumu USU nanieśli dziasiatak udaraŭ pa naftavym terminale ŭ porcie horada i bazie Bałtfłota ŭ Kranštacie4040
Kamientary