Tramp źbirajecca pavialičyć vajskovyja vydatki ZŠA da rekordnaha ŭzroŭniu z 1950-ch
Prezident ZŠA Donald Tramp abviaściŭ u sacsietcy Truth Social pra namier rekordna pavialičyć vajskovy biudžet krainy, kab stvaryć vojska mary i harantavać biaśpieku ad usich vorahaŭ.
Na 2027 hod płanujecca pavialičyć biudžet Pientahona da $1,5 tryljona, što bolš jak 1,5 raza pieravyšaje ciapierašnija vajskovyja vydatki na $901 miljard. Sa słoŭ Trampa, dadatkovyja srodki buduć zabiaśpiečanyja za košt mytaŭ na impart z krain, jakija raniej «ekspłuatavali Amieryku».
Apošni raz ZŠA pavialičvali vajskovy biudžet bolš čym na 50% u 1951 hodzie padčas vajny ŭ Karei. Navat za Ronaldam Rejhanam u 1980‑ch hadach rost vydatkaŭ byŭ značna mienšy — 20—25%.
Dadatkovyja hrošy pojduć na finansavańnie abaronnych prahram Trampa, uklučajučy sistemu supraćrakietnaj abarony «Załaty kupał» ($175 miljardaŭ) i prajekt madernizacyi VMS «Załaty fłot», jaki praduhledžvaje pabudovu 25 novych vajskovych karabloŭ z łazierami, hipierhukavymi rakietami i mahčymaściu niasieńnia jadziernaj zbroi.
Realizacyja płana, praŭda, patrabuje ŭchvaleńnia Kanhresa, dzie respublikancy ciapier majuć tolki nievialikuju bolšaść, a vosieńniu majuć adbycca vybary. Choć mnohija z kanhresmienaŭ hatovyja padtrymlivać samu ideju, maštab novych vydatkaŭ vyklikaje ŭ ich sumnievy.
Ciapier ZŠA vydatkoŭvajuć na abaronu 3,5% VUP, a treba nie mienš za 4%. Pavodle analizu niezaležnaha centru «Kamitet za adkazny fiederalny biudžet», płany Trampa mohuć patrabavać $5 tryljonaŭ da 2035 hoda, i pry hetym myty nie kampiensujuć usich vydatkaŭ — u hetym finansavym hodzie jany prynieśli tolki $288 miljardaŭ.
Łukašenka pra vykradańnie Madura: Heta sastupka Trampa vajskoŭcam za Afhanistan
Rubia zajaviŭ, što ZŠA źbirajucca kupić Hrenłandyju, a nie zabirać jaje siłaj
Tramp patrabuje ad Vieniesueły vyhnać Rasiju, Kitaj, Iran i Kubu
Tramp: My pavinny abaviazkova pieramahčy na vybarach u Kanhres, inakš pahražaje impičmient
Ciapier čytajuć
Babaryka raskazaŭ, čamu pierad vybarami nie šukaŭ padtrymki ŭ Rasii. I jak jaho chacieli zvolnić ź Biełhazprambanka za łozunh «Žyvie Biełaruś!»17
Babaryka raskazaŭ, čamu pierad vybarami nie šukaŭ padtrymki ŭ Rasii. I jak jaho chacieli zvolnić ź Biełhazprambanka za łozunh «Žyvie Biełaruś!»
Maksim Znak pra pres-kanfierencyju va Ukrainie: My damovilisia nie ŭzdymać najbolš balučyja temy — katavańniaŭ, sankcyj, vajny. Moža, musili my pa-inšamu zrabić1010
Kamientary