U Minsku kiroŭca aŭtobusa nie puściŭ u sałon žančynu z sabakam. Ci maje jon racyju?
U sacyjalnych sietkach šyroka abmiarkoŭvajuć videa minčanki, jakuju kiroŭca haradskoha aŭtobusa nie puściŭ u sałon praz toje, što jana była z sabakam. Videa ŭ tyktoku sabrała bolš za 200 tysiač prahladaŭ i vyklikała sprečki: karystalniki masava abmiarkoŭvali, chto mieŭ racyju ŭ hetaj situacyi, piša ahienctva «Minsk-Naviny».
Žančyna raskazała, što joj treba było prajechać usiaho dva prypynki, kab advieźci sabaku na pryščepku. Sabaka byŭ na pavadku i ŭ namordniku, bilet jahonaja haspadynia prabiła, adnak aŭtobus nie kranuŭsia ź miesca. Kiroŭca zapatrabavaŭ vyjści, zajaviŭšy, što z žyviołami ŭ hramadskim transparcie jeździć nielha, akramia maleńkich, jakija znachodziacca ŭ pieranoskach. Pry hetym, pavodle słoŭ žančyny, nijakich tłumačeńniaŭ ci spasyłak na praviły joj nie dali.
Aŭtarka videa ličyć, što kiroŭca zrabiŭ niapravilna, a takuju zabaronu nazvała dyskryminacyjaj u adnosinach da žyvioł. U kamientaryjach mierkavańni padzialilisia: adny prapanoŭvali pisać skarhu, druhija spasyłalisia na niaisnyja praviły, a trecija prosta vykazvali spačuvańnie haspadyni i sabaku.
Da abmierkavańnia dałučyłasia i žančyna, jakaja nazvała siabie kiroŭcaj aŭtobusa i ŭładalnicaj sabaki. Jana adznačyła, što razumieje emocyi minčanki, ale dziejnyja praviły pieravozki žyvioł nie na jaje baku.
U «Minsktransie» ž rastłumačyli, što pasažyry pavinny kiravacca dvuma narmatyŭnymi dakumientami: praviłami aŭtamabilnych pieravozak pasažyraŭ i praviłami pieravozak haradskim elektratranspartam.
Zhodna ź imi, u sałonie dazvalajecca pieravozić drobnych svojskich žyvioł i ptušak tolki ŭ kletkach, sumkach abo pieranoskach z vodaniepranikalnym dnom, pry ŭmovie zachavańnia sanitarnych normaŭ i biaśpieki. Pra pieravozku bujnych sabak bieź pieranoski ŭ hetych praviłach nie havorycca.
Vyklučeńniem źjaŭlajucca sabaki-pavadyry, jakija supravadžajuć ludziej z parušeńniami zroku. Takija žyvioły mohuć znachodzicca ŭ sałonie na zakonnych padstavach i pieravoziacca biaspłatna.
U «Minsktransie» taksama padkreślili, što mienavita kiroŭca niasie adkaznaść za kantrol vykanańnia pravił pieravozki žyvioł u hramadskim transparcie.
Ciapier čytajuć
«Zaprasiŭ mianie na spatkańnie i pryjechaŭ na jaho z pakietam pamidoraŭ zamiest kvietak». Što ŭspaminajuć pra Jana Pamiedora Reuckaha, admina šmattysiačnaj supołki biełarusaŭ Polščy55
Kamientary
" eto płatnaja Informacija " . Pasprabucia sami . Heta poŭny žach .