Ministerstva enierhietyki Biełarusi razam ź miascovymi ŭładami płanuje raspracavać adzinyja praviły pracy vuličnaha aśviatleńnia pa ŭsioj krainie. Pra heta išła havorka 4 lutaha na naradzie, pryśviečanaj źmianieńniu režymaŭ aśviatleńnia, paviedamili ŭ pres-słužbie viedamstva.
Nahodaj dla abmierkavańnia stała krytyka z boku Alaksandra Łukašenki, jaki napiaredadni na naradzie pa sacyjalna-ekanamičnym raźvićci Viciebskaj vobłaści źviarnuŭ uvahu na nieracyjanalnaje vykarystańnie elektraenierhii. Pa słovach palityka, u krainie marnujucca lišnija srodki, tamu jon daručyŭ naładzić takuju sistemu, kab vuličnaje aśviatleńnie aŭtamatyčna vyklučałasia kala siomaj ci pałovy vośmaj ranicy.
Na naradzie ŭ Minenierha abmiarkoŭvali, jak aptymizavać hrafiki aśviatleńnia ŭ nasielenych punktach, kab elektraenierhija vykarystoŭvałasia bolš efiektyŭna. Było pastaŭlena zadańnie vypracavać adziny padychod z ulikam sacyjalnych normaŭ i śpiecyfiki sielskich terytoryj.
U viedamstvie adznačyli, što čas uklučeńnia i vyklučeńnia śviatła vyznačajecca z ulikam uschodu i zachodu sonca. Pry hetym u miescach z pavyšanaj niebiaśpiekaj — kala škoł, balnic, na piešachodnych pierachodach — płanujecca ŭvodzić asobnyja, śpiecyjalnyja režymy aśviatleńnia.
Taksama ŭ Minenierha padkreślili, što kiravańnie vuličnym aśviatleńniem u bolšaści vypadkaŭ ažyćciaŭlajecca dystancyjna, što dazvalaje chutka źmianiać hrafiki z ulikam umoŭ i patreb kankretnych rehijonaŭ.
Ciapier čytajuć
«Fieminizm u maim vypadku pieramoh». Vieranika Stankievič — pra dapamohu palitviaźniam u «Volnych» i płany na viasielle ź Ivulinym24
«Fieminizm u maim vypadku pieramoh». Vieranika Stankievič — pra dapamohu palitviaźniam u «Volnych» i płany na viasielle ź Ivulinym
Irłandziec, da jakoha małaja Cichanoŭskaja jeździła ŭ 1990-ja: «Kali b niechta skazaŭ, što adnoje z hetych dziaciej stanie palitykam, ja b pakazaŭ na Śvietu»2222
Irłandziec, da jakoha małaja Cichanoŭskaja jeździła ŭ 1990-ja: «Kali b niechta skazaŭ, što adnoje z hetych dziaciej stanie palitykam, ja b pakazaŭ na Śvietu»22
«Pra ciažarnaść viedali tolki jana i jaje chłopiec». Stali viadomyja padrabiaznaści historyi ź miortvym niemaŭlom, znojdzienym u Baranavičach u pakiecie
Kamientary