Łatvija źmianiła praceduru zapisu ŭ svaje vizavyja centry ŭ Minsku i Viciebsku. Što ciapier nieabchodna rabić zajaŭnikam, raskazali ŭ telehram-kanale «Vizavy krot».
Novyja praviły rehistracyi ŭžo dziejničajuć dla ŭsich katehoryj zajaŭnikaŭ. Jany padobnyja da tych, jakija ŭžo praktykujuć Polšča i Italija.
Achvotnym atrymać łatvijskuju vizu daviadziecca prajści standartnyja etapy — stvaryć ulikovy zapis, vybrać vizavy centr i katehoryju vizy.
Hałoŭnaje źmianieńnie adbyłosia na etapie vieryfikacyi. Voś što nieabchodna viedać:
- sistema zapatrabuje abaviazkovaj zahruzki staronki dziejnaha pašparta z fatahrafijaj;
- zajaŭniku nieabchodna prajści ličbavuju pravierku dla abarony sistemy ad aŭtamatyčnych rehistracyj;
- paśla paśpiachovaj pravierki na elektronnuju poštu pryjdzie paćviardžeńnie i ŭnikalny numar zajaŭki.
Pry źjaŭleńni svabodnych miescaŭ zajaŭnik atrymaje apaviaščeńnie. Na vybar daty i času padačy dakumientaŭ advodzicca roŭna 72 hadziny, paśla čaho zajaŭka anulujecca.
Kali ž nieabchodnaść u pajezdcy adpała, rehistracyju možna samastojna admianić u asabistym kabiniecie VFS Global.
Taksama ŭ vizavym centry źviarnuli ŭvahu, što ŭsie paćvierdžanyja zapisy da 31 žniŭnia zastajucca sapraŭdnymi i nie patrabujuć paŭtornaha prachodžańnia pracedury.
Astatnim ža zajaŭnikam daviadziecca adaptavacca da novych ałharytmaŭ, kab atrymać šaniec na atrymańnie łatvijskich dazvołaŭ na ŭjezd, vydača jakich stroha abmiežavanaja.
Ciapier čytajuć
Stvaralnica sietki kafe Myloverberry raspaviała, jak razam z mužam zahnała paśpiachovy biznes u daŭhi1
Kamientary