Premjer-ministr Vienhryi Viktar Orban publična nazvaŭ Ukrainu voraham Vienhryi. Jon zajaviŭ pra heta padčas sustrečy z aktyvistami kiroŭnaj partyi «Fides» u horadzie Sambatchiej. Asnoŭnaj pryčynaj takoj pazicyi Orban nazvaŭ dziejańni Ukrainy, jakaja, pavodle jaho słoŭ, nastojvaje na zabaronie pastavak rasijskaha hazu i nafty ŭ Jeŭropu.
«Pakul Ukraina heta robić, Ukraina, prašu prabačeńnia, źjaŭlajecca našym voraham. Ukraina parušaje našy fundamientalnyja intaresy, pastajanna patrabujučy i padbuchtorvajučy Brusiel da adklučeńnia Vienhryi ad tannaj rasijskaj enierhii. Toj, chto heta robić, źjaŭlajecca nie praciŭnikam Vienhryi, a jaje voraham», — zajaviŭ Orban.
Taksama vienhierski premjer vykazaŭ niezadavolenaść dziejańniami Jeŭrapiejskaha sajuza, śćviardžajučy, što Brusiel nibyta płanuje nakiroŭvać sałdat va Ukrainu pad ściaham ES. Orban zajaviŭ, što Vienhryja nie choča ŭdzielničać u takich inicyjatyvach i nie žadaje bačyć vienhierskuju moładź na vajnie. Jon dadaŭ, što padobnyja kroki, na jaho dumku, pastupova nabližajuć Jeŭropu da bolš šyrokaha vajennaha kanfliktu z Rasijaj.
Orban ličyć, što ŭkraincam nielha dazvalać ustupleńnie ŭ Jeŭrapiejski Sajuz, choć z Ukrainaj i davodzicca niejak supracoŭničać, bo jana susiedniaja kraina.
Tramp adkryta vykazaŭ padtrymku Viktaru Orbanu na vybarach
«Vaš maskoŭski haspadar sto hadoŭ nie pratrymajecca». Ministr zamiežnych spraŭ Ukrainy rezka adkazaŭ Orbanu
Orban: U najbližejšyja sto hadoŭ Vienhryja nie dazvolić Ukrainie stać členam ES
Zialenski ŭ Davosie publična zaklikaŭ Jeŭropu dać Orbanu pa karku. Orban adkazaŭ
Orban — pakul adziny ź lidaraŭ u ES, chto pahadziŭsia na členstva ŭ Radzie miru Trampa
Ciapier čytajuć
Što viadoma pra eks-aficera Słužby biaśpieki Łukašenki Andreja Spasava, jakoha pasadzili za palityku1
Kamientary