Adzin trenier pracuje na Alimpijadzie adrazu z 16‑ciu fihurystami z 13‑ci krain. Tolki paśpiavaj pieraapranacca
Padčas spabornictvaŭ pa fihurnym katańni ŭ aŭtorak uvažlivyja hledačy mahli zaŭvažyć niešta niezvyčajnaje: francuzski trenier Bienua Ryšo źjaŭlaŭsia la borcika ŭ kurtkach roznych nacyjanalnych zbornych — spačatku Francyi, a paśla Hruzii, piša Bi-bi-si.
38‑hadovy Ryšo — trenier i chareohraf. Na Zimovych Alimpijskich hulniach 2026 hoda ŭ Italii jon pracuje adrazu z 16 fihurystami, jakija pradstaŭlajuć 13 roznych krain. Pry hetym u mužčynskaj karotkaj prahramie ŭ aŭtorak vystupali siem jaho padapiečnych, choć u aficyjnym raskładzie jon byŭ paznačany jak trenier tolki čatyroch spartsmienaŭ.
Pakolki niekatoryja jaho vučni vystupali adzin za adnym, Ryšo davodziłasia chutka źmianiać vopratku. Naprykład, francuz Adam Siaa Chim Fa i hruzin Niko Ehadze vychodzili na lod pad 25‑m i 26‑m numarami — tamu trenieru treba było apieratyŭna pieraapranucca.
Vyniki ŭ jaho spartsmienaŭ byli roznyja, ale Siaa Chim Fa paśla karotkaj prahramy idzie trecim i zmahajecca za miedal pierad volnaj prahramaj u piatnicu.
Hledačy ŭžo pryzvyčailisia bačyć Ryšo ŭ roznych kurtkach: padčas kamandnaha turniru ŭ niadzielu jon spačatku padtrymlivaŭ Ehadze ŭ kurtcy zbornaj Hruzii, a mienš čym praz 15 chvilin źjaviŭsia ŭ kurtcy Kanady, kab padtrymać Styviena Hohaleva.
Sam trenier pryznajecca, što takaja praca patrabuje vialikaj arhanizavanaści i emacyjnaj vytrymki. Kali ŭsie vystupajuć dobra, usio prachodzić lahčej. Ale kali adzin spartsmien vystupiŭ niaŭdała, a nastupny — udała, uźnikajuć mocnyja i supraćlehłyja emocyi, jakija składana adrazu pieraklučyć. Jon adznačaje, što kali b jaho padapiečnyja vystupali adzin za adnym pastajanna, heta było b vielmi ciažka.
Ryšo žartuje, što raniej zaŭsiody nasiŭ čornaje, i ludzi śmiajalisia z hetaha, a ciapier ździŭlajucca, jak jon paśpiavaje źjaŭlacca ŭ kurtkach roznych koleraŭ.
Kab paśpieć źmianić formu, trenier zahadzia pakidaje kurtki ŭ raspranalniach svaich spartsmienaŭ, choć zvyčajna heta nie dazvalajecca. Časam jamu dapamahajuć kiraŭniki abo mieniedžary nacyjanalnych zbornych — jany trymajuć kurtki napahatovie i pieradajuć ich u patrebny momant.
Frańja fon Almien staŭ trochrazovym alimpijskim čempijonam
Ukrainiec budzie zmahacca za «šlem pamiaci» na Alimpijadzie. Chto na im — poŭny śpis
Amierykanski fihuryst vykanaŭ na Alimpijadzie elemient, jaki 50 hadoŭ byŭ zabaronieny, — za jaho nie dajuć bałaŭ, ale hledačy ŭ zachapleńni VIDEA
Viadomy narviežski bijatłanist paśla zavajavańnia alimpijskaha miedala publična pryznaŭsia ŭ zdradzie svajoj dziaŭčynie
Narviežac Jochanes Kleba staŭ siamirazovym alimpijskim čempijonam. Da rekorda zusim blizka
Ciapier čytajuć
Biełaruska kliča na viasielle zorku «Univiera», jaki za vajnu. Uprehsia ŭvieś Threads13
Kamientary
Vot kak obstojat dieła:
Rasprostraniennaja praktika: Dla elitnych trienierov i chorieohrafov očień rasprostraniena odnovriemiennaja rabota s fihuristami iz raznych stran.
Vysokij spros i masštab diejatielnosti: Rišo — vostriebovannyj, udostojennyj nahrad chorieohraf (Łučšij chorieohraf ISU 2024 hoda), rabotavšij s bolšim količiestvom fihuristov vysšieho urovnia iz raznych stran. Po sostojaniju na načało 2026 hoda soobŝałoś, čto on rabotał s bolšim količiestvom sportsmienov, naprimier, s 16 fihuristami, priedstavlajuŝimi 13 raznych stran, čto triebovało ot nieho častoj smieny komandnych kurtok na sorievnovanijach.
Praviła razriešajut eto: Praviła Mieždunarodnoho sojuza końkobiežciev (ISU) razriešajut trienieram rabotať so sportsmienami iz raznych stran.
Śpiecializirovannyj podchod: Rišo fokusirujetsia na sozdanii unikalnoj, individualnoj prohrammy dla každoho fihurista, a nie na univiersalnom podchodie, čto pozvolajet jemu rabotať s konkurientami, nie narušaja profieśsionalnuju etiku.