Łukašenka zajaviŭ, što biełarusy ź litoŭcami stahodździami mieli dobrazyčlivyja adnosiny, zasnavanyja na histaryčnych suviaziach
Alaksandr Łukašenka pavinšavaŭ narod Litvy z Dniom adnaŭleńnia dziaržavy, paviedamlaje jaho pres-słužba.
«Stahodździami my mieli dobrazyčlivyja adnosiny, zasnavanyja na histaryčnych suviaziach, ahulnych duchoŭnych kaštoŭnaściach, uzajemnym kulturnym uzbahačeńni. I siońnia, niahledziačy na isnujučyja ciažkaści i vyprabavańni, biełarusy zachavali ščyryja simpatyi da litoŭcaŭ», — havorycca ŭ vinšavańni.
«Pierakanany, va ŭmovach niaprostaha mižnarodnaha stanovišča ni niedalnabačnyja palityki, ni ich źniešnija daradcy, čyje rekamiendacyi adnosna Biełarusi nikoli nie supadali z sapraŭdnymi intaresami litoŭskaha naroda, nie zdolejuć naviazać žycharam Litvy svoj pohlad na naša susiedstva», — padkreśliŭ palityk.
Łukašenka, tradycyjna vinšujučy z nacyjanalnymi śviatami «niedružalubnyja dziaržavy», źviartajecca da naroda, ale nie da kiraŭnictva, nazyvajučy jaho niedalnabačnym.
Kamientary
A potym pryjšoŭ ja i ŭsio sapsavaŭ