«Napieradzie nas čakaje apieracyja. Jaje pryznačyli na sakavik. Kali ŭsio projdzie paśpiachova, to maja reabilitacyja zojmie miesiac, muža — try».
Siarhiej i Alena Chvaścionak razam ź dźviuma dočkami pierajechali ź Biełarusi ŭ Polšču pa palityčnych matyvach.
«My byli vymušanyja źjechać z rodnaha Połacka ŭ Hdańsk, bo na radzimie majho muža pieraśledavali ŭłady. Jon pracavaŭ na «Naftanie» i bolš za 10 hadoŭ byŭ siabram apazicyjnaj arhanizacyi «Ruch za svabodu». Jaho zatrymlivali trojčy. Za nalepku z hierbam «Pahonia» jon adsiadzieŭ 15 sutak. Za repost naviny «Biełsata» ab čempijanacie śvietu pa chakiei 2014 hoda — 10. A za fota z BČB-ściaham — 25», — raskazała Alena «Bajsołu».
«U listapadzie 2022 hoda da maci Siarhieja, dzie jon prapisany, pryjšli ź pieratrusam siłaviki. Jana paśpieła papiaredzić nas. Muž sabraŭsia za 10 chvilin i pakinuŭ krainu. Uviečary siłaviki pryjšli da nas, i ja daviedałasia, što jaho abvinavačvajuć pa piaci artykułach Kryminalnaha kodeksa, siarod jakich, u tym liku, abraza ŭłady, sudździ, paklop i pahroza hvałtam supracoŭniku orhanaŭ unutranych spraŭ».
Praz paŭhoda žančyna ź dźviuma dočkami pierajechała ŭ Polšču da muža. Siarhiej pracavaŭ taksistam, jana — buchhałtaram.
U kastryčniku minułaha hodu Siarhiej uładkoŭvaŭsia na novuju pracu i prachodziŭ miedabśledavańnie. Lekar była ŭ šoku, ubačyŭšy pakazčyki jaho cisku — 250 na 160. «Ja nie razumieju, jak vy dajšli siudy svaimi nahami», — skazała jana i adpraviła jaho da siamiejnaha doktara. Toj — u chutkuju, a adtul užo jaho špitalizavali.
«Vyśvietliłasia, što ŭ muža faktyčna nie pracujuć abiedźvie nyrki, praz što jon moža pamierci, kali ničoha nie zrabić», — apisvaje Alena.
«Što ja adčuvała, daviedaŭšysia pra heta, nie pieradać słovami. U mianie byŭ šok, isteryka i ślozy. Ale pierad mužam i siamjoj ja nie płaču. Zaŭsiody kažu: heta časovyja ciažkaści, usio ŭ nas budzie dobra».
Siarhieju prapanavali dyjaliz.
«Ale heta invalidnaść i praktyčna minimalnyja šancy znajści pracu: try razy na tydzień treba pa čatyry hadziny siadzieć u balnicy. Dy i praciahłaść žyćcia ludziej na dyjalizie adnosna nievysokaja. A ja chaču, kab moj muž žyŭ!
Pakolki ŭ nas adnolkavyja hrupy kryvi, ja vyrašyła stać donaram dla Siarhieja. Ja zdała nieabchodnyja analizy i testy. Atrymałasia, maja nyrka jamu padychodzić.
U toj čas jak ja rabiła abśledavańni, mianie zvolnili z pracy. Zaraz ja šukaju novuju, ale heta pakul nie atrymlivajecca. Tamu ŭ hety momant my žyviom tolki na zarobak muža — jon padzarablaje taksistam u volny ad naviedvańnia balnic čas.
Daktary kantralujuć jaho stan, i analizy pakazvajuć, što jon pakul pahraničny i možna abychodzicca biez dyjalizu (arhanizm, jaki nie byŭ na dyjalizie, lepš prymaje pierasadžany orhan).
Napieradzie nas čakaje apieracyja. Jaje pryznačyli na sakavik. Kali ŭsio projdzie paśpiachova, to maja reabilitacyja zojmie miesiac, muža — try».
U hety čas siamja nie zmoža pracavać i tamu prosić dapamahčy im pratrymacca. Jany adkryli zbor na «Bajsole» — na apłatu kvatery i pradukty ź lekami (usiaho 4800 jeŭra).
Ciapier čytajuć
U Minsku budujuć novaje «Akreścina» ŭ hłuchoj pramzonie. A što budzie sa starym?5
Kamientary
čto tiebie iźviestno o miłosierdii,poddieržkie i lubvi???