U Minsku pradajuć biznes pa dastaŭcy VIP-sušy. Ich pryvoziać u skrynkach z čyrvonaha aksamitu
Niadaŭna ŭ Minsku vystavili na prodaž biznes pa dastaŭcy sušy i rołaŭ premium-kłasa, zaŭvažyŭ Office Life. Havorka pra našumieły brend Black Pearl Sushi. Cana pytańnia — $13 tysiač.

Ustanova znachodzicca pobač z TRC Dana Mall. Biznes pradajecca ŭ poŭnaj kamplektacyi — abstalavańnie, kuchnia, sajt, akaŭnt u Instagram i hetak dalej.
Black Pearl Sushi pačała pracavać u 2021 hodzie. Pavodle zadumy zasnavalnikaŭ, asnoŭny akcent zrabili na premijalnaj jakasnaj syravinie — «nie rys z morapraduktami, a morapradukty z rysam».
Jak raspaviadaŭ zasnavalnik Black Pearl Sushi Maksim Śvirydaŭ, na starcie jon razam z žonkaj ukłaŭ u prajekt $17 tysiač, pieršy prybytak atrymali tolki praz paŭhoda. U 2022 hodzie ŭ metach dalejšaha raźvićcia dolu ŭ 30% pradali novamu partnioru.
Zaraz samy tanny set («Fiładelfija», 1420 hramaŭ) tut prapanujuć za 180 rubloŭ, samy darahi (White Gold, 1580 hramaŭ) — za 270. Letaś sušy i roły pačali dastaŭlać u skrynkach z čyrvonaha aksamitu.
Ab pryčynach prodažu biznesu nie paviedamlajecca.
Kamientary