«Maskva pakazvaje Łukašenku, što nijaki Kola nie budzie nastupnym prezidentam Biełarusi»
Maskva razhortvaje novuju chvalu ałarmisckaj rytoryki, zajaŭlajučy pra nibyta padrychtoŭku Zachadam novych sprobaŭ adarvać Biełaruś ad Rasii. Rasija pahražaje adstojvać svajo prava na Biełaruś navat pry dapamozie jadziernaj zbroi. Adkul takija ałarmisckija zajavy i što jany značać?
Słužba zamiežnaj raźviedki (SVR), a za joju i pradstaŭnica MZS RF Maryja Zacharava, kažuć pra čarhovyja sproby Zachadu adarvać Biełaruś ad Rasii. Hučać słovy pra «hieapalityčnuju hulniu», «zmovy» i navat pra nieabchodnaść harantavać biaśpieku Biełarusi ŭsimi dastupnymi srodkami. U hetym kantekście Zacharava zhadała navat pra jadziernuju zbroju.
Rasijski žurnalist z vydańnia The Insider Cimur Aleŭski ŭ intervju «Svabodzie» źviartaje ŭvahu, što SVR i Maryja Zacharava «heta śpiecyfičnyja aktary, jakija sistemna zajmajucca publičnymi pravakacyjami».
«Kali jany niešta zajaŭlajuć, to vielmi časta jany stvarajuć dymavuju zaviesu. I da vajny, i z samaha jaje pačatku, SVR i Zacharava, asabliva kali jany dziejničajuć razam, abvinavačvali kahości ŭ tym, što źbiralisia rabić sami. A paśla sami heta rabili.
SVR pierad atakami na Ukrainu nieadnarazova abiacali pravakacyi suprać Pucina. Pierad prymianieńniem niejkaj dzikunskaj zbroi jany kazali, što takuju zbroju źbirajucca prymianić suprać Rasii i što Rasija abaviazkova daść «hodny adkaz».
Aleŭski ličyć, što zajavy SVR i Zacharavaj śviedčać ab tym, što jany źbirajucca zrabić toje, u čym sprabujuć abvinavacić Zachad.
«Jany kažuć, što nibyta sprabujuć abaranić Biełaruś ad revalucyi. Na samoj spravie heta aznačaje nastupnaje: pryjšoŭ čas rychtavacca da źmieny ŭłady ŭ Biełarusi i ŭ klučavy momant treba abaviazkova być hatovym da taho, kab hetuju ŭładu pierachapić».
Pavodle Aleŭskaha, zajavy SVR i Zacharavaj Łukašenka pavinien usprymać jak pahrozu.
«Biełaruś, z punktu hledžańnia Maskvy, udzielnaje kniastva. Łukašenku jany ciarpiać šmat hadoŭ. U 2020 Pucin jaho pačaŭ łamać, a ŭ 2022 — dałamaŭ.
Ale Łukašenka praciahvaje pakazvać, što prykmiety dziaržaŭnaści ŭ jaho jašče jość. I jany jamu pasyłajuć pryvitańnie, što nijaki Kola nie budzie nastupnym prezidentam Biełarusi», — miarkuje Cimur Aleŭski.
-
Kavieryn: U mianie raście dačka, i ja chacieŭ by, kab jana žyła, chutčej, u tym śviecie, jaki ŭjaŭlajuć sabie idealnym fieministki
-
Paŭlučenka pra viartańnie Pačobuta: «Punkt bifurkacyi, paśla jakoha šmat źmienicca»
-
Fiaduta pra pomnik Paskieviču ŭ Homieli: Čyhunnaj nahoj stanie na miažy z Ukrainaj, demanstrujučy, što ŭžo biełaruskuju ziamlu Pieciarburh nie addaść
Ciapier čytajuć
Łukašenka: Što tvorycca ŭ krainie, u nas usie hetuju huś kruciać31
Łukašenka: Što tvorycca ŭ krainie, u nas usie hetuju huś kruciać
«Kali mnie było dva hady, svajaki pavieźli mianie ŭ Biełaruś». Praz sacsietki dziaŭčyna adšukała baćku-rasijanina — ale skončyłasia historyja sumna2323
«Kali mnie było dva hady, svajaki pavieźli mianie ŭ Biełaruś». Praz sacsietki dziaŭčyna adšukała baćku-rasijanina — ale skončyłasia historyja sumna23
Pamiatajecie minčuka, jaki ŭ 2017‑m vyratavaŭ ściah z-pad noh amapaŭcaŭ — koštam svajoj svabody? Ciapier jamu, byłomu palitviaźniu, patrebnaja dapamoha1414
Pamiatajecie minčuka, jaki ŭ 2017‑m vyratavaŭ ściah z-pad noh amapaŭcaŭ — koštam svajoj svabody? Ciapier jamu, byłomu palitviaźniu, patrebnaja dapamoha14
«Biełaruś jany bačać častkaj Rasii». Što značyć uzdym «Alternatyvy dla Hiermanii», nakolki daloka heta moža zajści i jak siabie pazicyjanavać biełarusam5858
Kamientary
Niešta budzie..))))