Pra vyzvaleńnie Paŭła Śpiryna paśla piaci hadoŭ źniavoleńnia stała viadoma ŭ studzieni. Ciapier źjaviłasia videa ź im u Vilni.
«Usim pryvitańnie. Voś narešcie ja vyjechaŭ ź Biełarusi. Zaraz znachodžusia ŭ Litvie. Vialiki dziakuj usim za padtrymku, za toje, što ŭsie hetyja hady byli sa mnoj i ź inšymi ludźmi, jakija nie paśpieli darabić toje, što my pavinny byli darabić u 2020 hodzie. Ale ŭsio napieradzie», — kaža na videa Pavieł.
Pra vyzvaleńnie 42‑hadovaha palityčnaha błohiera Paŭła Śpiryna stała viadoma ŭ studzieni. Jon pravioŭ u źniavoleńni bolš za piać hadoŭ, apošnim časam Śpiryna trymali ŭ Horkach u kałonii dla «recydyvistaŭ» razam z Alesiem Bialackim.
Pavieł — juryst pavodle adukacyi. Kaliści pracavaŭ u dziaržaŭnym kamunalnym pradpryjemstvie, ale jaho zvolnili z pracy, kali jon uziaŭ udzieł u parłamienckich vybarach. Paśla taho Śpiryn vyrašyŭ zaniacca jutubam. Jaho palityčnyja videa źbirali sotni tysiač prahladaŭ.
U 2020 hodzie błohier sprabavaŭ stać kandydatam u prezidenty, ale jaho inicyjatyŭnuju hrupu nie zarehistravali. Tady jon staŭ davieranaj asobaj Śviatłany Cichanoŭskaj.
Śpiryn byŭ aryštavany ŭ vieraśni 2020 hoda. Jamu prysudzili 4,5 hoda kałonii za «raspalvańnie varožaści» ŭ dačynieńni da biełaruskich uładaŭ za dva filmy na jutubie — pra narkabiznes i pra tahačasnaha hienieralnaha prakurora Alaksandra Kaniuka. Ciapier hetyja videa vydalenyja ź jutuba.
Błohier adbyvaŭ pakarańnie ŭ kałonii ŭ Babrujsku. Pierad płanavanym vyzvaleńniem na jaho zaviali novuju kryminalnuju spravu za «niepadparadkavańnie administracyi». Śpirynu prysudzili jašče hod źniavoleńnia i adpravili ŭ kałoniju ŭ Horkach, dzie jaho ŭtrymlivali razam z nobieleŭskim łaŭreatam Alesiem Bialackim.
Pa skančeńni dadatkovaha hadavoha pakarańnia Śpiryna vyzvalili.
Ciapier čytajuć
Palitviazień Kim Samusienka paraŭnaŭ śviet na momanty jaho pasadki i vyzvaleńnia: Usio niadrenna dla jeŭrapiejskaj cyvilizacyi, a značyć, i dla biełarusaŭ2323
Kamientary