U štacie Paŭnočnaja Karalina 14 lutaha ŭ svaim domie była zabitaja 21‑hadovaja biežanka z Ukrainy Kaciaryna Taŭmaš. Razam ź joj byŭ zabity jaje 28‑hadovy partnior. Pavodle palicyi, padazravanym źjaŭlajecca były chłopiec dziaŭčyny. Jon śpiecyjalna pryjechaŭ ź inšaha štata, prakraŭsia ŭ dom nočču i ŭčyniŭ streły na vačach u małodšych dziaciej siamji.
U štacie Paŭnočnaja Karalina 14 lutaha 21‑hadovuju biežanku z Ukrainy Kaciarynu Taŭmaš i jaje chłopca zastrelili ŭ pryvatnym domie, piša «UP».
«Biežanka, jakaja ŭciakła ad vajny va Ukrainie ŭ pošukach biaśpieki ŭ Złučanych Štatach, była zabitaja ŭ pryvatnym domie ŭ Paŭnočnaj Karalinie. Heta druhi vypadak za apošni hod, kali ŭkrainku, jakaja źjaŭlajecca biežankaj i znachodzić prytułak u Paŭnočnaj Karalinie, zabivaje mužčyna», — napisaŭ u sacsietkach brat zahinułaj Michaił Taŭmaš.
Papiarednie palicyja ŭstanaviła, što padazravanym źjaŭlajecca były chłopiec dziaŭčyny — 25‑hadovy Kaleb Hajden Fosna. Jon prybyŭ u Paŭnočnuju Karalinu sa štata Ahaja, pieraadoleŭšy kala siami hadzin darohi, a potym niezakonna pranik u dom unačy.
Tam znachodzilisia małodšyja dzieci siamji — dźvie siastry školnaha ŭzrostu i šaścihadovy brat. Jak śćviardžaje śledstva, mužčyna razbudziŭ dziaciej i prymusiŭ chłopčyka pravieści jaho ŭ pakoj siastry.
Paśla hetaha jon zrabiŭ niekalki strełaŭ na vačach dziciaci, u vyniku čaho Kaciaryna Taŭmaš i jaje 28‑hadovy partnior zahinuli.
Paśla zabojstva Fosna ŭciok, adnak paźniej jaho zatrymali.
Kaciaryna Taŭmaš była rodam ź Biełaj Carkvy. U ZŠA jana razam ź siamjoj vyjechała praz poŭnamaštabnaje ŭvarvańnie Rasii va Ukrainu
U hetym ža štacie ŭ žniŭni 2025 hoda ŭ mietro biazdomny zarezaŭ 23‑hadovuju biežanku z Ukrainy Irynu Zaruckuju. Jana atrymała šmatlikija nažavyja ranieńni i pamierła na miescy.
Padazravanaha ŭ zabojstvie aryštavali — im akazaŭsia biazdomny 34‑hadovy DeKarłas Braŭn-małodšy. Zhodna z sudovymi zapisami, Braŭn maje doŭhaje kryminalnaje minułaje — z 2011 hoda jaho nieadnarazova zatrymlivali za kradziažy, razboj z vykarystańniem zbroi i pahrozy.
Kamientary