Śpiecpradstaŭnik Pucina paćvierdziŭ, što Rasija prapanuje ZŠA za źniaćcie sankcyj ździełku koštam u tryljony dalaraŭ
Śpiecpradstaŭnik prezidenta Rasii i kiraŭnik Rasijskaha fondu pramych inviestycyj Kirył Dźmitryjeŭ zajaviŭ, što ŭ vypadku admieny amierykanskich sankcyj ZŠA mohuć atrymać dostup da sumiesnych prajektaŭ z Rasijaj ahulnym koštam bolš za 14 tryljonaŭ dalaraŭ.
«ZŠA ŭ kančatkovym vyniku admieniać sankcyi, tamu što sankcyi suprać Rasii abyšlisia amierykanskim kampanijam bolš čym u $300 miljardaŭ. Admiena sankcyj suprać Rasii adpaviadaje intaresam ZŠA», — napisaŭ Dźmitryjeŭ u sacsietcy Ch.
Tak jon prakamientavaŭ publikacyju časopisa The Economist, dzie śćviardžałasia, što Maskva prapanoŭvała Vašynhtonu prajekty prykładna na 12 tryljonaŭ dalaraŭ u abmien na źniaćcie abmiežavańniaŭ.
Pavodle krynic vydańnia, padčas pieramoŭ ab zaviaršeńni vajny va Ukrainie Kreml prapanoŭvaŭ ludziam, blizkim da siamji Donalda Trampa, doli ŭ rasijskich enierhietyčnych i infrastrukturnych prajektach. Siarod ich nazyvalisia zdabyča nafty i hazu ŭ Arktycy, raspracoŭka radoviščaŭ redkaziamielnych mietałaŭ, stvareńnie data-centra z vykarystańniem jadziernaj enierhietyki, a taksama budaŭnictva tunela pad Bierynhavym pralivam.
Taksama paviedamlałasia, što pierad sustrečaj Uładzimira Pucina z Trampam na Alascy ŭ žniŭni letaś dla Rady biaśpieki Rasii padrychtavali dakumient z prapanovami, jak pradstavić ZŠA «vialikuju ekanamičnuju ździełku». U im Rasiju apisvali jak krynicu vielizarnych arktyčnych i paŭnočnych resursaŭ, jakija mohuć pryciahnuć inviestycyi z ZŠA i inšych krain.
U toj ža čas The Economist adznačaje, što navat pry viartańni impartu da ŭzroŭniu 2021 hoda i pry ŭmovie, što amierykanskija kampanii atrymajuć pałovu ŭsiaho abjomu zamiežnaha biznesu ŭ Rasii, hadavy prybytak skłaŭ by kala 340 miljardaŭ dołaraŭ. Kab dasiahnuć ahučanych 12 tryljonaŭ, takija dachody pavinny zachoŭvacca na praciahu mnohich dziesiacihodździaŭ. Vydańnie taksama padkreślivaje, što adnaŭleńnie šyrokaj ekanamičnaj supracy mahło b spryjać adnaŭleńniu rasijskaj ekanomiki i stvaryć ryzyki dla budučaj biaśpieki.
The Economist: Kreml prapanavaŭ siamji Trampa za źniaćcie sankcyj doli ŭ enierhietyčnych aktyvach
Kiraŭniki jeŭrapiejskich raźviedsłužbaŭ nie raźličvajuć na spynieńnie vajny ŭ hetym hodzie — Reuters
Pradstaŭniki Ukrainy i Rasii sustrelisia asobna paśla zaviaršeńnia trochbakovych pieramoŭ u Ženievie
Uitkaf paśla pieramoŭ u Ženievie zajaviŭ ab vielizarnym prahresie
Kamientary