Naš vychad z Danbasa nie spynić Pucina: Zialenski nazvaŭ čakańni ZŠA niedalnabačnymi
«Nam nie patrebny pierapynak. Nam patrebny kaniec vajny», — skazaŭ prezident Ukrainy.
Prezident Ukrainy Uładzimir Zialenski zajaviŭ, što ličyć «niedalnabačnaj» vieru Złučanych Štataŭ u toje, što Uładzimir Pucin spynić vajnu, kali Ukraina pahodzicca addać jašče nie akupavanyja Rasiejaj terytoryi Danbasa, zajaviŭ jon u intervju Financial Times, piša «Ukrainskaja praŭda».
«Ščyra kažučy, ja nie vieru, što heta ŭsio, što patrabuje Rasija. Naš vychad z Danbasa — i tady vajna skončycca. Rasija jość Rasija, i vy viedajecie, što im nielha daviarać», — skazaŭ Zialenski.
Jon raskrytykavaŭ ideju časovaha pieramirja. Zielenski padkreśliŭ, što luboje prypynieńnie bajavych dziejańniaŭ biez nadziejnych zachodnich harantyj biaśpieki Rasieja vykarystaje dla taho, kab adnaŭlać svaje siły dla novaha nastupu.
Zialenski adkinuŭ abvinavačańni Pucina ŭ tym, što pierapynak byccam by patrebny Ukrainie dla pierahrupoŭki, nazvaŭšy heta «demahohijaj i chłuśnioj».
«Nam nie patrebny pierapynak. Nam patrebny kaniec vajny», — padkreśliŭ prezident. Zielenski taksama adznačyŭ, što ciapierašni cisk prezidenta ZŠA Donalda Trampa na Ukrainu nakont terytaryjalnych pastupak značna macniejšy, čym cisk na Rasiju.
Zialenski zaklikaŭ ZŠA ŭdaryć pa «kašalku» Kramla, a nie prymušać Ukrainu da kapitulacyi.
«Rasijanam daražej abychodzicca spynieńnie ichniaha cieniavoha fłota, ich kampanij i mahčymaściej handlavać i ekspartavać enierharesursy, a taksama pierakryćcio schiem abychodu sankcyj», — zajaviŭ Zialenski.
U toj ža čas prezident padkreśliŭ, što jon pierš za ŭsio raźličvaje na ŭkrainskuju armiju i ŭłasnuju vytvorčaść zbroi.
Brendavaja sumačka za $4 tysiačy i bryljanty. Vice-mis Biełarusi Alija Karotkaja schadziła ź siabroŭkaj pajeści dranikaŭ7
Brendavaja sumačka za $4 tysiačy i bryljanty. Vice-mis Biełarusi Alija Karotkaja schadziła ź siabroŭkaj pajeści dranikaŭ
Na Afonie adšukali try nieviadomyja raniej asobniki Astrožskaj Biblii. Dla jaje stvareńnia drukar Ivan Fiodaraŭ, vychadziec ź Biełarusi, vykarystoŭvaŭ teksty Skaryny66
Kamientary
Kak praviło v niej 2 kryła . Bojevoje nielehalnoje i političieskoje vpołnie lehalnoje . Finansirujutsia oba iz odnoho cientra . Bojevoje osuŝiestvlajet strašnoje priestuplenije protiv hraždanskoho nasielenija . Massovoje , žiestokoje , lišiennoje praktičieskoho smysła . Politkryło ozvučivajet triebovanija k obŝiestvu radi kotorych vsie i zatievałoś . Usłovije priekraŝienija tierrora .
Pynia - uničtožajet hraždanskuju enierhosieť Ukraniy v pieriod niebyvałych chołodov . Čieriez svoich ahientov prieryvajet postavki elektroenierhii ich Jevropy .
Tramp - otdavajtie Donbas .
Ničieho nie napominajet ?