Čalcy rady ekśpiertaŭ pravodziać pieramovy pa pytańni abrańnia novaha lidara ŭ biaśpiečnaj abstanoŭcy.
Viarchoŭny lidar Irana Ali Chamieniei, zabity ŭ vyniku ŭdaraŭ z boku Izraila i ZŠA 28 lutaha, nie pryznačyŭ pierajemnika, hetaje pytańnie budzie razhledžana Radaj ekśpiertaŭ, paviedamiła iranskaje ahienctva Fars sa spasyłkaj na krynicy.
Paśla hibieli Chamieniei ŭ Tehieranie paŭstała pytańnie, ci pryznačyŭ jon pry žyćci kaho-niebudź u jakaści varyjantaŭ pierajemnaści. Krynicy Fars paviedamili, što Chamieniei nie vyłučaŭ kandydataŭ.
3 sakavika Tasnim i Mehr paviedamili, što Izrail i ZŠA nanieśli ŭdary pa budynku Rady ekśpiertaŭ u Kumie. Budynak byŭ surjozna paškodžany, znachodzilisia ci tam ludzi ŭ momant ataki — nieviadoma.
Pavodle danych Mehr, budynak źjaŭlajecca starym i nie vykarystoŭvajecca dla pasiadžeńniaŭ kiraŭnictva Irana. The Times of Israel paviedamlała, što mienavita tam pavinny byli adbycca vybary novaha viarchoŭnaha lidara Irana.
Krynicy Fars zajavili, što čalcy rady pravodziać pieramovy pa pytańni abrańnia novaha lidara «ŭ biaśpiečnaj abstanoŭcy», padkreślivajučy, što abmierkavańnie znachodzicca na zaviaršalnym etapie. Rada razhladała mnostva varyjantaŭ, ab rašeńni mohuć abjavić, mahčyma, vielmi chutka — na praciahu nastupnych hadzin abo dzion.
Ciapier čytajuć
Chto tyja dva piersanažy, jakija nie pili ŭ mižvajennaj Vilni, jak Zośku Vieras abudzili ad letarhii i ci praŭdzivaja bajka pra Karatkieviča i restaran11
Kamientary