Drama na finišy: školny nastaŭnik vyrvaŭ pieramohu na marafonie ŭ ZŠA za dolu siekundy VIDEA
Na Łos-Andželeskim marafonie adbyŭsia adzin z samych dramatyčnych finišaŭ apošnich hadoŭ.
36‑hadovy amierykanski biahun Nejtan Marcin vyrvaŭ pieramohu litaralna na finišnaj linii, abahnaŭšy pradstaŭnika Kienii Majkła Kamau mienš čym za siekundu.
Marcin pieraadoleŭ dystancyju 42,2 km za 2 hadziny 11 chvilin i 18 siekund, i mienavita jamu dastałasia pieramožnaja stužka. Cikava, što aficyjny čas u abodvuch spartsmienaŭ akazaŭsia adnolkavym, ale amierykaniec pieršym pierasiok finišnuju liniju.
NEW: American Nathan Martin wins the closest Los Angeles Marathon in race history, beating Kenya's Michael Kimani Kamau by just 00.01 seconds.
Martin was seen chasing down Kamau at the end of the race.
“I made an actual move five miles out… when I saw no one else was picking… pic.twitter.com/5BCvZpfrec
Dramatyčnaje videa finišu chutka stała virusnym u sietcy. Na kadrach vidać, jak źniasileny Kamau litaralna padaje adrazu paśla finišu — jaho daviałosia zabirać na nasiłkach. Sam Nejtan paśla honki raspavioŭ, što vyrašyŭ «atakavać» lidara prykładna za piać mil da finišu.
«Kali ja ŭbačyŭ, što nichto nie paskarajecca, zrazumieŭ — treba ryzyknuć. Za paŭtary mili da finišu ja ŭžo bačyŭ lidara, a za 800 mietraŭ padumaŭ: ja jaho dahaniu».
Cikava, što pieramožca marafonu pracuje padmiennym nastaŭnikam u škole ŭ horadzie Džeksan, a taksama treniruje školnuju kamandu pa lohkaj atletycy. Jaho asabisty rekord u marafonie — 2:10:45, jaki jon ustalavaŭ na Grandma's Marathon u 2023 hodzie, staŭšy samym chutkim ciomnaskurym marafoncam, narodžanym u ZŠA.
Ciapier čytajuć
«Čamu ja pavinien dakazvać, što nie darmajed?» Pradprymalnika z Homiela pamyłkova zapisali ŭ niezaniatyja — jon daviedaŭsia tolki paśla vializnych rachunkaŭ za kamunałku2323
Kamientary