Ukrainskaja śpiavačka Cina Karal sa sceny adkazała Ani Łorak na abvinavačvańni ŭ ckavańni i pakazała siaredni palec
Ukrainskaja śpiavačka Cina Karal sa sceny prakamientavała zajavu śpiavački Ani Łorak, jakaja niadaŭna abvinavaciła jaje ŭ nibyta ckavańni i pieraškodach karjery va Ukrainie.
Padčas kancerta ŭ Adesie artystka emacyjna adkazała na hetyja słovy, a ŭ kancy zvarotu zrabiła rezki žest u bok kalehi, jakaja ciapier žyvie i pracuje ŭ Rasii, piša Oboz.ua.
Incydent adbyŭsia padčas adnaho z vystupleńniaŭ Karal. Pierad vykanańniem pieśni «Ukrajina — cie ti» śpiavačka źviarnułasia da hledačoŭ z karotkaj pramovaj, u jakoj faktyčna adreahavała na abvinavačvańni Łorak.
«Vielmi składana ŭ žyćci zrabić vybar i iści prama, nie pavaročvajučysia nikoli. Vielmi lohka pravaj rukoj brać rasijskija rubli, a levaj vycirać ślozy, što «nie puskajuć u krainu». Ja vielmi chacieła heta skazać», — zajaviła sa sceny Cina Karal.
Paśla hetych słoŭ śpiavačka pakazała siaredni palec, adrasavaŭšy žest Ani Łorak.
Pryčynaj publičnaj reakcyi stała intervju Łorak rasijskim ŚMI, jakoje źjaviłasia niekalki dzion tamu.
U razmovie z prapahandystami artystka zajaviła, što nibyta była vymušanaja pakinuć Ukrainu z-za cisku i «ckavańnia», jakoje, pa jaje słovach, pieražyła paśla piku papularnaści.
«Usio heta supała paśla Jeŭrabačańnia (Ani Łorak u 2008 hodzie na konkursie zaniała 2‑ie miesca, rasijanin Dzima Biłan vyjhraŭ tady «Jeŭrabačańnie». — NN). U 2008—2010 hadach išoŭ moj pik hastrolaŭ u Rasii. Ja była narodnaj artystkaj Ukrainy. Hetaja ŭznaharoda i toj pośpiech, jaki nalacieŭ na mianie, viadoma, vyklikaŭ u niekatorych ludziej niepryjemnyja pačućci. Ja zdabyła ŭsio, što mahčyma ŭ hetaj krainie. Treba ruchacca dalej, raźvivacca. I tabie prosta kažuć: ci ty pavinien zastacca, ci my ciabie pierakryvajem», — zajaviła Ani Łorak.
Śpiavačka taksama skazała, što nibyta adčuvała sistemny cisk. Pavodle jaje słoŭ, situacyja vyhladała tak, «jak byccam z tuby vyciskajuć zubnuju pastu».
U tym ža intervju rasijskaja viadučaja ŭzhadała słovy režysiora Aleha Badnarčuka pra toje, što nibyta mienavita Cina Karal nie davała Łorak viarnucca va ŭkrainski šou-biznes.
Łorak adkazała, što takoje mierkavańnie «nie biecpadstaŭnaje» i što pra heta nibyta «kažuć usie». Pry hetym jana nie nazvała kankretnych faktaŭ, jakija mahli b paćvierdzić padobnyja abvinavačvańni.
«Kali ja hetuju łavinu na sabie adčuła, da kaho mnie iści raźbiracca? Ja heta adčuvała na sabie… Ale ja razumieła, što mnie treba ruchacca dalej. Kali ŭklučajucca suprać ciabie na ŭzroŭni krainy, što ja pavinna zrabić?» — zajaviła Ani Łorak.
Ciapier čytajuć
«Čamu ja pavinien dakazvać, što nie darmajed?» Pradprymalnika z Homiela pamyłkova zapisali ŭ niezaniatyja — jon daviedaŭsia tolki paśla vializnych rachunkaŭ za kamunałku16
Kamientary