«Napeŭna, horš nie budzie». Łukašenka vynajšaŭ sposab, jak źbirać vialikija ŭradžai na piasku
Alaksandr Łukašenka prapanavaŭ pravieści ekśpierymient, jak palepšyć uradlivaść piasčanaj hleby ŭ Biełarusi. Idejaj jon padzialiŭsia padčas zasłuchoŭvańnia dakładu ab dziejnaści Nacyjanalnaha banka i raźvićci ekanomiki krainy.
Łukašenka źviarnuŭ uvahu na toje, što ŭ Biełarusi jość pali na ŭzhorkach, dzie hleby piasčanyja i mienš prydatnyja dla sielskaj haspadarki. Kab ich z tołkam vykarystoŭvać, jon prapanavaŭ vyprabavać sumieś z arhaničnych uhnajeńniaŭ, torfu i adkidaŭ kalijnych solaŭ. Meta — padvysić uradlivaść takich ziamiel.
«Ja navat padumaŭ: a što kali ŭziać płast adkidaŭ ad kalijnych solaŭ, płast pakłaści arhaniki, płast torfu, usio heta pieramiašać — što atrymajecca? Napeŭna, horš nie budzie. Tam ža ŭsio ž taki častka ŭhnajeńniaŭ kalijnych zastajecca. Zaarać ich, a śledam unieści torf i arhaničnyja ŭhnajeńni, — skazaŭ Alaksandr Łukašenka. — Toje, što budzie palapšeńnie dla hleby, — heta dakładna. Ale nakolki heta ekanamična abhruntavana, treba paekśpierymientavać. Ja hatovy panazirać. Treba znajści niejkaje «biednaje» pole i pasprabavać na niejkim učastku. A moža być, my vyrašym prablemu z adkidami vakoł Salihorska».
Palityk pryvioŭ prykład Kitaja, jaki zakuplaje biełaruski torf dla ŭhnajeńnia biednaj hleby i ličyć heta ekanamična apraŭdanym, niahledziačy na vialikija transpartnyja vydatki.
Łukašenka hatovy prymać šmat pracavitych uźbiekaŭ
Łukašenka pavodzić siabie ŭ «makdonaldsie» jak u savieckaj stałoŭcy. I dumaje, što heta kruta
U 2020 hodzie za Łukašenku hałasavała 21%. I tolki 6% moładzi — vyniki dziaržaŭnaha apytańnia
Łukašenka na Łahojščynie pakałupaŭsia viłkami ŭ cialačym hnoi
«3‑4 łaktacyi prypłodu, małaka pa 7000 litraŭ, pamnožyć na 3». Hienierał Karajeŭ patłumačyŭ sialanam, jak vyroščvać cialat
Ciapier čytajuć
U dzień, kali pamiłavali palitviaźnia Daronina, jahonaj žoncy prysudzili 8,5 hadoŭ kałonii za ŭdzieł u dvarovym čacie5
Kamientary