Rost kapitału prezidenta ZŠA adbyvajecca na fonie hłabalnaj ekanamičnaj niestabilnaści.
Donald Tramp praciahvaje paśpiachova sumiaščać palityku ź biznesam: za pieršy hod svajho druhoha prezidenckaha terminu jaho bahaćcie pavialičyłasia z $5,1 młrd da $6,5 młrd. Asnoŭnymi ruchavikami rostu stali nie tradycyjnaja nieruchomaść ci hateli, a novyja technałahičnyja i mižnarodnyja prajekty siamji prezidenta.
Zhodna z rejtynham Forbes, Tramp zajmaje 645‑ie miesca siarod miljarderaŭ śvietu. Asnoŭnymi ruchavikami rostu stali novyja technałahičnyja i mižnarodnyja prajekty.
Značnuju častku prybytku — kala $550 młn — prynios prodaž kryptavalutnych tokienaŭ praz World Liberty Financial, jakuju siamja Trampa zapuściła napiaredadni vybaraŭ.
Jašče $200 młn prezident atrymaŭ ad prodažu 49% akcyj hetaj ža kampanii firmie Aryam Investment — za hetaj strukturaj staić šejch Tachnun ben Zaid Al Nachajan — savietnik pa nacyjanalnaj biaśpiecy AAE i člen karaleŭskaj siamji.
Tramp nie admaŭlajecca i ad kłasičnych dachodaŭ: jaho abjekty nieruchomaści pa-raniejšamu zastajucca papularnymi miescami dla suśvietnych znakamitaściaŭ i palityčnaj elity.
Rost kapitału prezidenta ZŠA adbyvajecca na fonie hłabalnaj ekanamičnaj niestabilnaści, što robić jaho finansavyja pośpiechi jašče bolš prykmietnymi.
Kamientary