Prezident Ukrainy Uładzimir Zialenski zajaviŭ, što Ukraina ciapier vałodaje «kartami» dziakujučy pośpiecham ukrainskich vajskoŭcaŭ i raźvićciu ŭłasnaj abaronnaj vytvorčaści, zapuščanaj paśla pačatku poŭnamaštabnaha ŭvarvańnia Rasii. Pra heta jon raspavioŭ u intervju irłandskamu błohieru Kiejlinu Robiertsanu.
Zialenski prakamientavaŭ situacyju, u jakoj ZŠA źviarnulisia pa dapamohu mienavita da Ukrainy (u pryvatnaści, pa pytańni baraćby ź iranskimi dronami na Blizkim Uschodzie), a nie da Francyi ci Hiermanii.
Na pytańnie, jak jon siabie adčuvaje ŭ hetaj situacyi, prezident Ukrainy adkazaŭ: «Dobra».
«Ciapier heta dziakujučy našym sałdatam, cudoŭnym ludziam, vialikaj kolkaści roznaj pradukcyi, vytvorčaść jakoj my pavialičyli z samaha pačatku vajny. Ciapier u nas vysoki ŭzrovień», — skazaŭ Zialenski.
Jon padkreśliŭ, što Ukraina maje resursy, jakija raniej nie afišavalisia: «Ja dumaju, što hod nazad ja taksama ich mieŭ, ale my nie pakazvali. Ale ciapier usie zrazumieli, što my ich majem. Tak, heta praŭda».
«Amierykancy paprasili nas, i, viadoma, ja hanarusia, što my možam dapamahčy amierykanskim partnioram», — dadaŭ jon.
Zialenski taksama vykazaŭ mierkavańnie, što mižnarodnaja supolnaść pakul nie hatovaja da hłabalnaha kanfliktu.
Pavodle jaho słoŭ, z techničnaha punktu hledžańnia Jeŭropa hatovaja niedastatkova, za vyklučeńniem Paŭnočnaj Jeŭropy i Hiermanii. Amierykanskaja armija vielmi mocnaja, adnak sučasnaja vajna — heta nie tolki naziemnyja apieracyi, ale i novyja technałohii rakiet i dronaŭ, kaža jon.
Zialenski adznačyŭ, što nichto ŭ śviecie ciapier nie maje takoha dośviedu naziemnaj vajny, jak Ukraina: «Nichto zaraz nie maje dośviedu z naziemnymi siłami, jaki jość u nas, i heta nie toje, čamu… my vielmi rady, što majem hety dośvied. Šmat čałaviečych strat, nie, heta nie pra radaść, heta pra realny dośvied, tamu što Rasija napała na nas…»
Donald Tramp nieadnarazova zajaŭlaŭ, što ŭ Zialenskaha ŭ pieramovach «niama kart», što kozyry maje Rasija, bo jana «zachapiła vialikuju terytoryju».
Ciapier čytajuć
Siłaviki śćviardžajuć, što zatrymali dvuch mužčyn za hałasavańnie na vybarach u KR. Ale ci možna hetamu vieryć?11
Kamientary
Nie toje, što Pucin dy Łuka. Jany zaŭsiody adkazvajuć za svaje słovy, tak?