Prezident ZŠA Donald Tramp vyrašyŭ nakiravać na Blizki Uschod dadatkovyja siły — kala piaci tysiač amierykanskich marskich piechacincaŭ, a taksama niekalki vajskovych karabloŭ. Zapyt na pierakidańnie vojskaŭ, jaki pastupiŭ ad Centralnaha kamandavańnia ZŠA, užo ŭchvaliŭ kiraŭnik Pientahona Pit Chiehset, piša The Wall Street Journal sa spasyłkaj na troch amierykanskich čynoŭnikaŭ.
Pavodle paviedamleńniaŭ, desantny karabiel USS Tripoli, što bazujecca ŭ Japonii i pieravozić marskich piechacincaŭ, užo nakiroŭvajecca ŭ rehijon, dzie i biez taho znachodziacca inšyja padraździaleńni ZŠA.
Choć Tramp raniej publična śćviardžaŭ, što naziemnaja apieracyja ŭ Iranie była b «marnaj trataj času», pavodle infarmacyi krynic, u nieaficyjnych razmovach jon razhladaje mahčymaść abmiežavanaj prysutnaści amierykanskich vojskaŭ u Iranie. Havorka nie idzie pra poŭnamaštabnaje ŭvarvańnie. Razhladajecca scenar, pry jakim ZŠA mahli b uziać pad kantrol zapasy iranskaha ŭranu, a paśla vajny — naładzić supracoŭnictva z Tehieranam u naftavaj śfiery pa prykładzie adnosin ź Vieniesuełaj.
Rašeńnie ab uzmacnieńni vajskovaj prysutnaści pryniata na fonie rezkaha abvastreńnia situacyi ŭ Armuzskim pralivie — važnym marskim šlachu, praź jaki prachodziać kala 20% suśvietnych pastavak nafty. Iran aktyvizavaŭ ataki na karabli ŭ pralivie i faktyčna paralizavaŭ u im sudnachodstva, što pryviało da rostu koštaŭ na naftu. Raniej Tramp zajaŭlaŭ, što ZŠA mohuć supravadžać tankiery praz praliŭ, a 13 sakavika navat pryhraziŭ nanieści pa Iranie «vielmi mocnyja ŭdary» na praciahu nastupnaha tydnia.
Unutry amierykanskaj administracyi pry hetym niama poŭnaj zhody nakont met i praciahłaści vajennaj kampanii. Pavodle infarmacyi žurnalistaŭ, sam Tramp schilajecca da taho, kab praciahvać kanflikt jašče niekalki tydniaŭ, raźličvajučy asłabić Korpus vartavych isłamskaj revalucyi nastolki, kab u Iranie mahło pačacca ŭnutranaje paŭstańnie. Adnak jaho supiarečlivyja zajavy časta biantežać navat bližejšych daradcaŭ.
Paviedamlajecca, što ŭ atačeńni Trampa ciapier isnujuć try hrupy z roznymi pazicyjami:
- «jastraby», jakija patrabujuć žorstkich vajennych dziejańniaŭ;
- palityčnyja daradcy, jakija chvalujucca pra rost koštaŭ na paliva i mahčymyja nastupstvy dla vybaraŭ;
- papulisty, što zaklikajuć nie ŭciahvacca ŭ doŭhi i ciažki kanflikt.
Tramp dapuskaje, što Pucin «krychu» dapamahaje Iranu
Tramp zajaviŭ, što jaho bolš nie cikavić Nobieleŭskaja premija miru
Zialenski zaklikaŭ Trampa dla zakančeńnia vajny macniej cisnuć na Pucina, a nie na jaho
«Adsiačeš adnu hałavu — vyrastajuć novyja». Jak kiraŭnictva Irana pabudavała sistemu, jakaja dazvalaje ŭtrymlivać uładu
Tramp: ZŠA ŭžo atrymali pieramohu nad Iranam
Kamientary