ZŠA paabiacali da $10 młn uznaharody za infarmacyju pra lidaraŭ Irana
Urad Złučanych Štataŭ cikavić infarmacyja pra novaha viarchoŭnaha lidara Irana Madžtabu Chamieniei i inšych čynoŭnikaŭ.
ZŠA prapanujuć uznaharodu da 10 miljonaŭ dalaraŭ za infarmacyju pra klučavych kiraŭnikoŭ KVIR i jaho padraździaleńniaŭ, paviedamlaje Dziarždep
Hetaje abviaščeńnie źjaviłasia na fonie praciahłaj vajennaj kampanii ZŠA i Izraila suprać Irana i paśla zabojstva ajatały Ali Chamieniem i inšych vysokapastaŭlenych iranskich čynoŭnikaŭ.
«KVIR, jaki ŭvachodzić u skład aficyjnych uzbrojenych sił Irana, adyhryvaje centralnuju rolu ŭ vykarystańni Iranam teraryzmu jak asnoŭnaha instrumienta dziaržaŭnaj palityki», — havorycca ŭ paviedamleńni. Dziarždepartamient padkreślivaje, što KVIR niasie adkaznaść za šmatlikija napady na amierykancaŭ i abjekty ZŠA, u tym liku tyja, što pryviali da hibieli hramadzian ZŠA.
«Z momantu svajho zasnavańnia ŭ 1979 hodzie KVIR adyhryvaje značnuju rolu ŭ realizacyi źniešniaj palityki Irana. Ciapier hetaja arhanizacyja kantraluje značnuju častku iranskaj ekanomiki i maje vialiki ŭpłyŭ na ŭnutranuju palityku krainy», — adznačaje viedamstva.
U pryvatnaści, amierykanski ŭrad cikavić infarmacyja pra novaha viarchoŭnaha lidara Irana Madžtabu Chamieniei a taksama pra namieśnika kiraŭnika jaho štaba Ali Ašhara Chiedžazi, vajennaha daradcu, hienierał-majora Jachju Rachima Safavi, daradcu Ali Łarydžani, ministra ŭnutranych spraŭ Eskandera Mamienii i ministra raźviedki i biaśpieki Esmaiła Chaciba.
Akramia taho, ZŠA šukajuć infarmacyju pra čatyroch nienazvanych słužbovych asob KVIR, fatahrafii jakich nie byli dadadzieny.
-
Samalot Flydubai uratavali piłot-indyjec i try pasažyry, adzin ź jakich stamatołah. Druhoha piłota źviazali pravadami ad słuchavak i małankami
-
U Paŭdniovaj Karei 600 tysiač čałaviek pryjšli pahladzieć na akułu, jakaja zachrasła ŭ kanale
-
U amierykanskim Tenesi ŭpieršyniu za 200 hadoŭ źbiralisia pakarać śmierciu žančynu. Ale vykanańnie prypynili za hadzinu da pryznačanaha času
Kamientary