«Tak, jak heta ja baču», — skazaŭ jon.
Alaksandr Łukašenka prapanavaŭ ZŠA varyjant zakančeńnia vajny ŭ Iranie. Pra heta jon zajaviŭ siońnia žurnalistam, piša BiełTA.
Pra heta jon raskazaŭ padčas pieramovaŭ z amierykanskaj delehacyjaj na čale sa śpiecpasłańnikam Džonam Koŭłam.
«Prapanavaŭ im svajo bačańnie zakančeńnia vajny ŭ Iranie. Tak, jak heta ja baču. Nie chaču heta publična kazać. Ja im prapanavaŭ jašče adzin varyjant», — skazaŭ jon.
Alaksandr Łukašenka raspavioŭ, što ŭ śpiecpasłańnika i advakata Džona Koŭła ź Iranam źviazanaja asabistaja historyja, jakoj surazmoŭca padzialiŭsia padčas pieramovaŭ. Padčas padziej Isłamskaja revalucyja ŭ Iranie ŭ kancy 70‑ch — pačatku 80‑ch hadoŭ XX stahodździa tam zahinuli amierykancy.
«Heta jany nie vielmi piedalujuć. Havorać pra toje, što jadziernaja zbroja, jašče niešta tam. Ale ŭ ich u hałavie — u amierykancaŭ, asabliva ŭ hramadstvie, — tady zahinułyja hetyja ludzi. I jon, hety Džon, byŭ advakatam u svajakoŭ zahinułych. Jon mnie asabista raskazaŭ. Tamu, kaža, u mianie voś tut (unutry) heta ŭsio siadzić», — padzialiŭsia padrabiaznaściami razmovy Łukašenka
Šmat u čym tamu, rastłumačyŭ Alaksandr Łukašenka, razmovu i pačali ź iranskaj tematyki, chacia ŭ paradku dnia byli i inšyja pytańni, uklučajučy temu Ukrainy.
Jon pryznaŭsia, što ŭ peŭnym sensie Biełaruś «patrapiła ŭ zamies», majučy na ŭvazie, što z usimi ŭciahnutymi bakami jość peŭny ŭzrovień adnosin i žadańnie ich raźvivać.
«Z adnaho boku, Iran, nibyta našy sajuźniki. Jany mianie nie pasłuchali, kali ja im kazaŭ napiaredadni vajny, jašče zadoŭha jak. Amierykancy heta viedajuć. Nu i Emiraty, Katar, asabliva Aman — ciapier my robim staŭku. Jany ŭsie trapili tut. Z saŭdytami ciapier viadziom razmovu. Tamu tut, zdajecca, našy ludzi, i z druhoha boku našy. I tut, daj boh, kab heta skončyłasia. U nas tolki adzin pryncyp: treba, kab heta ŭsio skončyłasia. Bo našy ludzi i tam, i tam. Usie pakutujuć», — zajaviŭ jon
Pamiatajecie Piatrušu, jaki vydziraŭ draty «dydžejam Pieramien»? Jaho pieraviali ŭ treciuju lihu čynoŭnikaŭ paśla miesiacaŭ biespracoŭja7
Pamiatajecie Piatrušu, jaki vydziraŭ draty «dydžejam Pieramien»? Jaho pieraviali ŭ treciuju lihu čynoŭnikaŭ paśla miesiacaŭ biespracoŭja
«Paśla pieršaha zabojstva ź im raźviałasia žonka». Što viadoma pra šmatdzietnaha Siarhieja sa Stolinskaha rajona, jaki paśla vyzvaleńnia z kałonii zabiŭ troch čałaviek44
Kamientary