Łukašenka zajaviŭ pra hatoŭnaść viarnuć zachoplenyja litoŭskija fury
«Vierniem my hetyja fury. Škada palakaŭ, litoŭcaŭ», — skazaŭ jon.
Alaksandr Łukašenka u nastupnyja dni maje namier pryniać rašeńnie pa furach ź litoŭskaj rehistracyjaj, jakija znachodziacca na terytoryi Biełarusi. Pra heta jon zajaviŭ žurnalistam, piša BiełTA.
«Heta rašeńnie da paniadziełka ja abaviazany pryniać. Ciahnuć nie treba, ja nie chaču, kab byŭ biurakratyzm abo vałakita. Heta moj pryncyp: ja čałaviek sistemny i chaču heta vyrašyć za vychadnyja», — zajaviŭ Alaksandr Łukašenka.
Jon nahadaŭ, što raniej da jaho piśmova źviarnulisia pradstaŭniki litoŭskich i polskich aŭtapieravozčykaŭ. Alaksandr Łukašenka daručyŭ kiraŭnictvu ŭrada pravieści ź imi sustreču.
«Ja daručyŭ uradu: davajcie vy sustrenieciesia i pa-čałaviečy ź imi pahavorycie. Sieli za stoł pieramovaŭ, vysłuchali ich i pieradali mnie. Ja prymu rašeńnie i, dumaju, z paniadziełka my praces viartańnia hetych fur pačniem. Vierniem my hetyja fury. Škada palakaŭ, litoŭcaŭ», — skazaŭ jon.
Pry hetym, adznačyŭ jon, dla aŭtapieravozčykaŭ moža być źnižana cana za achovu fur, jakaja pieršapačatkova składała 120 jeŭra ŭ sutki.
Nahadajem, što ŭ listapadzie minułaha hoda Litva ŭ adkaz na pastajannyja pryloty mieteazondaŭ kantrabandystaŭ zakryła miažu ź Biełaruśsiu. U adkaz aficyjny Minsk sabraŭ hruzaviki litoŭskich pieravozčykaŭ i raźmiaściŭ na śpiecyjalnych stajankach z płataj. Pry hetym biełaruskija ŭłady pahražali kanfiskacyjaj hruzavikoŭ.
U sieradu premjer Alaksandr Turčyn pravioŭ u Minsku sustreču ź litoŭskimi pieravozčykami.
Ciapier čytajuć
Voś chto toj chłopiec, jaki pajechaŭ na prapołku bulby i staŭ hierojem sacsietak4
Kamientary