Pamiežny kamitet pakazaŭ pašparty, ź jakimi biełarusaŭ razvaročvali na miažy
Bolš za 160 prablemnych dakumientaŭ pakazali na miažy z pačatku hoda, paviedamiŭ Dziaržaŭny pamiežny kamitet.
Viedamstva navat prademanstravała prykłady staronak biełaruskich pašpartoŭ, ź jakimi ludziej nie prapuścili praź miažu. 80 zamiežnikaŭ sprabavali ŭjechać u Biełaruś bieź vizy.
Jašče 33 čałavieki pakazali pašparty z paškodžanymi fotazdymkami abo razmytymi piačatkami orhanaŭ, što vydali dakumient. U čatyroch biełarusaŭ pašparty znachodzilisia ŭ bazie niesapraŭdnych dakumientaŭ.
Akramia taho, dvoje zamiežnikaŭ sprabavali pierasiekčy miažu pa padroblenym i čužym dakumiencie. Bolš za 30 hramadzian Biełarusi i inšych krain pradjavili praterminavanyja pašparty. Čaściej za ŭsio heta adbyvałasia z-za taho, što ludzi nie zamianili dakumienty paśla źmieny proźvišča.
U Threads u DPK pačali pytacca, jaki dakumient «nie pieršaj śviežaści» dakładna projdzie kantrol — kab razumieć.
— Hałoŭnaje, kab usie rekvizity dakumienta byli ŭ paradku (piačatki, štampy, dadzienyja), a kali, naprykład, staronka nadarvanaja, to ŭžo treba mianiać, — padkazali ŭ viedamstvie. Pahraničniki taksama dadali, što paškodžanyja dakumienty na miažy kanfiskujucca, tamu pasprabavać prajści ź imi jašče raz, spadziejučysia na razumieńnie inšaha supracoŭnika, nie atrymajecca.
Ciapier čytajuć
Jak asabistaja doktarka Łukašenki vučyć biełarusaŭ canić radzimu, a sama skuplaje luks i adpačyvaje na Błakitnym Bierazie ŠMAT FOTA4
Jak asabistaja doktarka Łukašenki vučyć biełarusaŭ canić radzimu, a sama skuplaje luks i adpačyvaje na Błakitnym Bierazie ŠMAT FOTA
Na Afonie adšukali try nieviadomyja raniej asobniki Astrožskaj Biblii. Dla jaje stvareńnia drukar Ivan Fiodaraŭ, vychadziec ź Biełarusi, vykarystoŭvaŭ teksty Skaryny33
Kamientary