Uładzimir Pucin padpisaŭ ukaz ab prysvajeńni Akademii FSB imia Fieliksa Dziaržynskaha. Hetaje rašeńnie faktyčna viartaje hałoŭnaj kuźni kadraŭ rasijskich śpiecsłužbaŭ savieckuju nazvu, jakuju jana nasiła da raspadu SSSR.
Zhodna z dakumientam, imia Dziaržynskaha nadadziena akademii za «vydatny ŭkład u zabieśpiačeńnie dziaržaŭnaj biaśpieki» samoha Dziaržynskaha i «zasłuhi asabovaha składu» ŭstanovy.
Nazva ŭ honar Dziaržynskaha nie novaja dla hetaj navučalnaj ustanovy.
U 1962—1992 hh. ustanova nazyvałasia Vyšejšaj škołaj KDB imia F. E. Dziaržynskaha. U 1992 h. padčas demakratyčnych reform imia simvała savieckich represij prybrali, a škołu pieraŭtvaryli ŭ Akademiju FSB.
Žurnalistka Faryda Rustamava zaŭvažaje, što hety ŭkaz — vierahodna, pieršy vypadak, kali Pucin na papiery daje stanoŭčuju acenku asobie Dziaržynskaha. Raniej prezident RF tolki vykazvaŭ škadavańnie nakont znosu pomnika na Łubiancy ŭ 1991 hodzie, ale paźbiahaŭ pramych dyfirambaŭ kiraŭniku VČK.
«Hałandski architektar», jaki adbudavaŭ Vostruju bramu i pastaviŭ sabie dom-krepaść u Hajciuniškach, akazaŭsia nijakim nie hałandcam. Ale jaho spadčyna zachaplaje1010
Kamientary