Repier Łajtovy (jon ža Alaksiej Hryzunt) prezientavaŭ svoj pieršy muzyčny albom «Pohlad unutr», jaki vynošvaŭ dva hady. Usie 11 trekaŭ na im biełaruskamoŭnyja.
«Tut vy znojdziecie roznaje: ad dark-trepu da IDM'a z rečytatyvam; ad vieršaŭ biełaruskaj kłasiki da sutry Serca machajanskaha budyzmu; ad adčaju da viartańnia nadziei. Adzinaje, što (ci kaho) vy dakładna nie znojdziecie — heta zvykłaje z usich papiarednich pracaŭ hučańnie Łajtovaha. Ale łajtova — nie značyć lohka, a być łajtovym — značyć być roznym», — papiaredžvaje muzyka.
Alternatyŭnaja nazva śviežaj mastackaj pracy — «Niasoniečny horad», što, z adnaho boku, adsyłaje da Minska, a ź inšaha — da ŭnutranaha horada, jaki stvarajecca z movy i ŭspaminaŭ, i dzie možna błukać.
Napiaredadni repier z pośpiecham prezientavaŭ novuju płytku na scenie staličnaj art-placoŭki «Recha», tancpoł jakoj źmiaščaje da 1400 čałaviek. Padzieju nazvali adnoj z samych važnych za apošni čas źjavaŭ u historyi biełaruskaha repa.
Ciapier čytajuć
Što viadoma pra viciebčuka, jakoha vinavaciać u sprobie padryvu samalota ŭ Hiermanii10
Kamientary