«Nie saromiejciesia pakazvać aktyŭnych partyjcaŭ». Hałoŭny ideołah Łukašenki zaklikaŭ moładź «Biełaj Rusi» być śmialejšymi ŭ sacsietkach
Pieršy namieśnik kiraŭnika administracyi Łukašenki Uładzimir Piarcoŭ na IV pazačarhovym źjeździe partyi «Biełaja Ruś» u Minsku zaklikaŭ partyjnuju moładź bolš aktyŭna ŭdzielničać u hramadskich dyskusijach u sacsietkach, paviedamlaje BiełTA.
«My razumiejem, što asnoŭnaje supraćdziejańnie realizujecca ŭ infarmacyjnym asiarodździ. I ja b chacieŭ rekamiendavać usim vam bolš aktyŭna ŭdzielničać u hramadskaj dyskusii, ustupać u palemiku ŭ kamientaryjach da pastoŭ, dzie našy niadobrazyčliŭcy razhaniajuć sacyjalnuju, kamunalnuju ci inšuju prablemu. U hetym i jość vaš patryjatyčny talent, hramadzianskaja, žurnalisckaja pazicyja. Nie saromiejciesia ŭ ŚMI, u sacsietkach bolš pakazvać svaich rehijanalnych lidaraŭ, aktyŭnych partyjcaŭ — jany ŭ vas jość», — padkreśliŭ Uładzimir Piarcoŭ.
Na jaho dumku, ludzi, jakija nie źjaŭlajucca členami praŭładnych hramadskich arhanizacyj i partyj, sustreŭšysia ŭ sacsietkach z aktyvistami «Biełaj Rusi» i pasłuchaŭšy ich arhumientacyju, mohuć i sami prybicca da hetaha bieraha.
«Załučajcie tych, chto nie byŭ zadziejničany ŭ palityčnaj pracy, a nie prosta členaŭ inšych hramadskich abjadnańniaŭ, partyj, prafsajuzaŭ. Chaciełasia b bačyć roznyja tvary, a nie tolki naš palityčny, sacyjalny aktyŭ — časam adnych i tych ža ludziej sa źmienaj značkoŭ», — z peŭnaj dolaj krytyčnaści adnosna sučasnaj rečaisnaści daŭ Piarcoŭ ustanoŭku na budučyniu.
Hałoŭny ideołah raskazaŭ, ci buduć u Biełarusi zabaraniać dzieciam i padletkam karystacca sacsietkami
Hałoŭny ideołah raskazaŭ, jak prapahandystam daviadziecca pracavać paśla sustrečy z Łukašenkam
Piarcoŭ paskardziŭsia, što paśla niekatorych prapahandysckich lekcyj ludzi pierastajuć padtrymlivać uładu
Hałoŭny ideołah Biełarusi znajšoŭ u krainie «psieŭdapatryjatyčnyja jačejki» i zaklikaŭ da zmahańnia ź imi «adzinym bajavym kułakom»
Kamientary