Hałoŭny ideołah Biełarusi znajšoŭ u krainie «psieŭdapatryjatyčnyja jačejki» i zaklikaŭ da zmahańnia ź imi «adzinym bajavym kułakom»
Pieršy namieśnik kiraŭnika administracyi Łukašenki Uładzimir Piarcoŭ vystupiŭ na III źjeździe praŭładnaj partyi «Biełaja Ruś» i ŭ svajoj pramovie zajaviŭ pra niespadziavanuju ideałahičnuju pahrozu: maŭlaŭ, u Biełarusi na patryjatyčnaj tematycy stali farmiravacca finansavanyja zvonku «psieŭdapatryjatyčnyja jačejki», nacelenyja na destruktyŭnuju dziejnaść.
Źviartajučysia da delehataŭ źjezda, Piarcoŭ zajaviŭ:
«My ŭsie ludzi palityčna piśmiennyja i padkavanyja, upeŭnieny, kožny — patryjot na svaim pracoŭnym miescy. Na nas z vami ŭskładajecca vysokaja adkaznaść, na nas uskładajecca praca pa farmiravańni palityčnaha łandšaftu, adzinaj strojnaj ideałahičnaj sistemy pa tym samym supraćborstvie ŭ baraćbie za rozumy i sercy našych hramadzian».
Pavodle jaho słoŭ, uroki 2020 hoda ŭładami zasvojenyja, adnak spyniacca na hetym nijak nie vypadaje:
«Ale treba budzie nam zrabić značna bolš. Tamu što, jak vy bačycie, na patryjatyčnaj tematycy, mimikryrujučy pad patryjotaŭ, stali farmavacca psieŭdapatryjatyčnyja jačejki. Ustupajučy ŭ kałabaracyju ź dziaržaŭnymi i pradziaržaŭnymi hramadskimi abjadnańniami i palityčnymi partyjami, žadajučy razam z vami prajści hety šlach pa zavajovie rozumaŭ i sercaŭ, jany finansujucca z-za miažy i nacelenyja samym hałoŭnym čynam na realizacyju alternatyŭnych, destruktyŭnych palityčnych zadum u nastupny elektaralny pieryjad — 2029-2030 hadoŭ».
Paśla kanstatacyi hetaha sumnaha faktu hałoŭny ideołah krainy zaklikaŭ da mabilizacyi ŭ zmahańni z hetaj navałaj:
«My hetaha dazvolić nie možam, my vydatna razumiejem, što inšaj, zapasnoj Radzimy ŭ nas niama. I tolki razam, tolki razam, adzinym bajavym kułakom palityčnyja partyi, hramadskija abjadnańni, dziaržaŭnyja orhany i arhanizacyi i ŭ cełym patryjatyčna nastrojenyja hramadzianie našaj krainy zmohuć prajści i heta niaprostaje vyprabavańnie, jakoje nam rychtujuć palityčnyja apanienty i ich najmalniki, hałoŭnym čynam — za miažoj».
Ciapier čytajuć
U Minsku zaviaršyli budaŭnictva piacizorkavaha hatela na miescy kolišniaha «Biełekspa»9
U Minsku zaviaršyli budaŭnictva piacizorkavaha hatela na miescy kolišniaha «Biełekspa»
«Fury raściahnulisia na kiłamietry. Stajać uzdoŭž darohi — prosta, bokam. Stajać u poli». Vidavočca raskazaŭ pra situacyju pierad «Kamiennym Łoham»1010
«Fury raściahnulisia na kiłamietry. Stajać uzdoŭž darohi — prosta, bokam. Stajać u poli». Vidavočca raskazaŭ pra situacyju pierad «Kamiennym Łoham»10
Sumleńnie, kachańnie, koły piekła i halivudski finał. U siamji budaŭnika i biblijatekarki z Pružanskaha rajona Ihara i Julii Łaptanovičaŭ aryštavali spačatku jaho, paśla — jaje, a paśla i babulu33
Kamientary