Novy kansilium daktaroŭ adbudziecca ŭ kancy maja, finalny analiz buduć rabić za miažoj, paviedamlaje Minzdaroŭja.
U stanie trochhadovaj Ksienii Maisiejenka, jakaja žyvie ŭ dziciačym domie pry žyvoj maci, nazirajecca značnaje palapšeńnie, paviedamiła hałoŭnaja pazaštatnaja śpiecyjalistka pa spadčynnych niervova-myšačnych zachvorvańniach u dziaciej Ministerstva achovy zdaroŭja Iryna Žaŭniaronak.
Trochhadovuju Ksiušu Maisiejenka z SMA, jakoj vializarnyja hrošy na «Załhiensma» ekstranna źbirali vałanciory, rychtujuć da ŭviadzieńnia hienna-zamiaščalnaj terapii, pieradaje BiełTA.
Siońnia Ksienija atrymlivaje preparat «Rysdypłam», pryjom jakoha pačaty z 1 krasavika. «Zaraz kaniec miesiaca. Vielmi dobraja stanoŭčaja dynamika, jakaja bačnaja navat niaŭzbrojenym vokam», — skazała Iryna Žaŭniaronak.
U kancy maja budzie praviedzieny paŭtorny kansilium. Zaraz dzicia rychtujuć da praviadzieńnia hienna-zamiaščalnaj terapii. Sprava ŭ tym, što pierad jaje pačatkam nieabchodna ŭziać analiz na vyznačeńnie tytra antyciełaŭ da virusa. Tytry pavinny być dapuščalnyja dla praviadzieńnia hetaj terapii, inakš vytvorca navat nie adhruzić preparat.
Analiz vykonvajecca za miežami krainy, heta vielmi žorstkaje patrabavańnie vytvorcy preparata.
U Ksiušy dyjahnastavanaja śpinalnaja myšačnaja atrafija (SMA) druhoha typu — ciažkaje hienietyčnaje zachvorvańnie, jakoje patrabuje darahoha lačeńnia. Dziakujučy chutkamu zboru srodkaŭ, u jakim udzielničali zvyčajnyja biełarusy, arhanizacyi i fondy, dla jaje lačeńnia ŭdałosia sabrać amal dva miljony dalaraŭ — sumu, dastatkovuju dla darahoha ŭkołu.
Ale paśla stała viadoma, što pakul uvieści jaho Ksiušy niama mahčymaści. Ale ciapier daktary znoŭ dajuć nadzieju.
-
Rasijaninu, jaki pjanym pabiŭsia z achoŭnikami minskaha mietro, vynieśli łahodny prysud
-
Łatuška pra mahčymaść vajny ŭ Biełarusi: Heta ž varjactva, nie ŭjaŭlaju, jak kramloŭskaja prapahanda budzie tłumačyć heta
-
«Da kanca hoda, spadziajusia, zmožam realizavać adnu-dźvie rečy». Babaryka — pra svoj novy prajekt i biełaruskuju movu
Cichanoŭskaja: Pieramieny ŭ Biełarusi — heta pytańnie času. Voś asnoŭnyja tezisy jaje vystupu na kanfierencyi «Novaja Biełaruś»31
Cichanoŭskaja: Pieramieny ŭ Biełarusi — heta pytańnie času. Voś asnoŭnyja tezisy jaje vystupu na kanfierencyi «Novaja Biełaruś»
DDoS-ataka idzie na sajty adrazu niekalkich biełaruskich ŚMI. Mahčyma, jana źviazanaja z šostaj hadavinaj narodnaha ŭzdymu 2020‑ha i kanfierencyjaj «Novaja Biełaruś», što adkryłasia siońnia66
Kamientary